മുംബയ്: കൊവിഡ് പ്രതിസന്ധിയിൽ സിനിമാപ്രവർത്തകർക്ക് ധനസഹായവുമായി നടൻ സൽമാൻ ഖാൻ. സിനിമയിൽ ജോലി ചെയ്യുന്ന സാങ്കേതിക പ്രവർത്തകർ, നിർമ്മാണത്തൊഴിലാളികൾ, ജൂനിയർ ആർട്ടിസ്റ്റുകൾ തുടങ്ങി ദിവസവേതനത്തിന് ജോലി ചെയ്യുന്ന തൊഴിലാളികൾക്കാണ് സൽമാൻ പണം നൽകുന്നത്. 1500 രൂപ വീതം ഗഡുക്കളായി നൽകും. കഴിഞ്ഞ വർഷം 3000 രൂപ വീതം സൽമാൻ ഖാൻ വിതരണം ചെയ്തിരുന്നു.
സൽമാന് പുറമേ യഷ്രാജ് ഫിലിംസും തൊഴിലാളികൾക്ക് സഹായം നൽകും. സിനിമയിൽ ജോലി ചെയ്യുന്ന 35000 അർഹരായ മുതിർന്ന പൗരന്മാർക്ക് റേഷൻ അടക്കമുള്ള സൗകര്യങ്ങൾ ചെയ്തുനൽകുമെന്ന് യഷ്രാജ് ഫിലിംസ് അറിയിച്ചു.
കൊവിഡ് ആദ്യതരംഗത്തിൽ നിന്ന് കരകയറി തിരിച്ചുവരവിന്റെ പാതയിലായിരുന്നു സിനിമ. അതിനിടെയാണ് രണ്ടാംതരംഗം ആഞ്ഞടിക്കുന്നത്. ഇതോടെ സിനിമാസെറ്റുകളിൽ പലർക്കും കൊവിഡ് സ്ഥിരീകരിക്കുകയും ചിത്രീകരണമടക്കമുള്ള ജോലികൾ നിന്നു പോവുകയും ചെയ്തതോടെ വീണ്ടും പ്രതിസന്ധിയിലായിരിക്കുകയാണ് സിനിമാലോകം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |