ചെന്നൈ: തമിഴ് നടൻ നെല്ലയ് ശിവ (69) ഹൃദയാഘാതം മൂലം അന്തരിച്ചു. തിരുനെൽവേലി പനക്കുടിയിലുള്ള വീട്ടി​ൽ വച്ചാണ് അന്ത്യം. 35 വർഷം അദ്ദേഹം സിനിമയിൽ സജീവമായിരുന്നു. ശിവനാഥൻ ഷൺമുഖവേലൻ രാമമൂർത്തി എന്നാണ് യഥാർത്ഥ പേര്. നിരവധി സിനിമകളിൽ കോമഡി നടനായി മികച്ച പ്രകടനം കാഴ്​ചവച്ചിരുന്നു. വടിവേലുവിനൊപ്പമുള്ള അദ്ദേഹത്തിന്റെ കോമഡി സീനുകൾ പ്രേക്ഷക ശ്രദ്ധ പിടിച്ചുപറ്റിയിരുന്നു. 1985ൽ പാണ്ഡ്യരാജൻ സംവിധാനം ചെയ്ത ആൺ പാവം എന്ന സിനിമയിലൂടെയാണ് വെള്ളിത്തിരയി​ലേക്കുള്ള ശിവയുടെ അരങ്ങേറ്റം. വെട്രി കൊടി കാറ്റ്, മഹാപ്രഭു, കണ്ണും കണ്ണും, സാമി, അൻപേശിവം, തിരുപ്പാച്ചി, കിരീടം തുടങ്ങി നിരവധി സിനിമകളിൽ അഭിനയിച്ചിട്ടുണ്ട്​. ഏപ്രിലിൽ ഒ.ടി.ടി പ്ലാറ്റ്​ ഫോമിൽ റിലീസായ തൃഷ അഭിനയിച്ച പറമ്പധം വിളയാട്ട്​ എന്ന സിനിമയാണ്​ അവസാന ചിത്രം.