ന്യൂഡൽഹി: തുടർച്ചയായ അഞ്ചാം ദിവസവും രാജ്യത്ത് പ്രതിദിന കൊവിഡ് ബാധിതരുടെ എണ്ണം മൂന്നു ലക്ഷത്തിൽ താഴെ. കഴിഞ്ഞ 24 മണിക്കൂറിനിടെ 2,59,551 പുതിയ രോഗികൾ. 3,57,295 പേർ രോഗമുക്തരായി. എട്ടു ദിവസമായി പ്രതിദിന രോഗമുക്തി നിരക്ക് പ്രതിദിന രോഗബാധിതരേക്കാൾ കൂടുതലാണ്. രോഗമുക്തി നിരക്ക് വർദ്ധിച്ച് 87.25 ശതമാനമായി.

പുതിയ രോഗികളിൽ 76.66 ശതമാനവും കേരളം, തമിഴ്നാട്, കർണാടക, മഹാരാഷ്ട്ര തുടങ്ങിയ പത്തു സംസ്ഥാനങ്ങളിലാണ്.

രാജ്യത്ത് രോഗസ്ഥിരീകരണ നിരക്ക് കുറഞ്ഞു. കഴിഞ്ഞ 24 മണിക്കൂറിനിടെ 20.61 ലക്ഷം പരിശോധനകൾ നടത്തി. ഇതുവരെയുള്ളതിൽ ഒരു ദിവസത്തെ ഉയർന്ന പരിശോധനാ നിരക്കാണിത്. ചികിത്സയിലുള്ളവരുടെ എണ്ണം 30,27,925 ആയി കുറഞ്ഞു. രാജ്യത്ത് കൊവിഡ് വാക്സിൻ സ്വീകരിച്ചവരുടെ എണ്ണം 19 കോടി പിന്നിട്ടു