ന്യൂഡൽഹി: സി.ബി.ഐയുടെ ഡയറക്ടറായി സുബോധ് കുമാർ ജസ്വാൾ ചുമതലയേറ്റു. നിലവിൽ സി.ഐ.എസ്.എഫ് മേധാവിയായിരുന്നു. പ്രധാനമന്ത്രിയുടെ നേതൃത്വത്തിലുള്ള പാനൽ കണ്ടെത്തിയ മൂന്ന് ഉദ്യോഗസ്ഥരിൽ നിന്ന് സീനിയോറിട്ടി അടിസ്ഥാനമാക്കിയാണ് സുബോധിനെ സി.ബി.ഐ തലപ്പത്ത് നിയമിച്ചത്.
1985 ബാച്ച് മഹാരാഷ്ട്ര കേഡർ ഐ.പി.എസ് ഉദ്യോഗസ്ഥനായ സുബോധ് കേന്ദ്രസർക്കാരിന് കീഴിൽ ഏറെ നിർണായക പദവികൾ വഹിച്ചിട്ടുണ്ട്. 2019 മുതൽ രണ്ടുവർഷം മഹാരാഷ്ട്ര ഡി.ജി.പിയായിരുന്നു. 2008 മുതൽ 2018 വരെ കേന്ദ്ര ഡെപ്യൂട്ടേഷനിൽ വിവിധ പദവികളിൽ ജോലി ചെയ്തു. സി.ഐ.എസ്.എഫ് മേധാവിയാകുന്നതിന് മുമ്പ് പ്രധാനമന്ത്രിയുടെ സുരക്ഷയ്ക്കായുള്ള എസ്.പി.ജിയിൽ ഡി.ഐ.ജിയായും കേന്ദ്ര ഇന്റലിജൻസ്ബ്യൂറോ, റാ തുടങ്ങിയ രഹസ്യാന്വേഷണ ഏജൻസികളിലും സേവനമനുഷ്ഠിച്ചു. മാവോയിസ്റ്റ് ഭീഷണിയുള്ള മേഖലകളിൽ ഭീകരവിരുദ്ധ സേനയെ നയിച്ചതിന്റെ അനുഭവസമ്പത്തുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |