ന്യൂഡൽഹി :കൊവിഡ് വാക്സിൻ, മരുന്നുകൾ, പരിശോധനാ കിറ്റുകൾ, വെന്റിലേറ്റർ തുടങ്ങി
കൊവിഡ് പ്രതിരോധ വസ്തുക്കൾക്ക് ജി.എസ്.ടി. ഇളവ് തീരുമാനിക്കുന്നതിനായി ധനകാര്യമന്ത്രി കെ.എൻ. ബാലഗോപാൽ ഉൾപ്പെട്ട എട്ടംഗ മന്ത്രിതല സമിതിയ്ക്ക് കേന്ദ്രം രൂപം നൽകി.
മേഘാലയ മുഖ്യമന്ത്രി കൊൻറാഡ് കെ. സംഗ്മയാണ് അദ്ധ്യക്ഷൻ. ഗുജറാത്ത് ഉപമുഖ്യമന്ത്രി നിതിൻഭായ് പട്ടേൽ, മഹാരാഷ്ട്ര ഉപമുഖ്യമന്ത്രി അജിത് പവാർ, ഗോവ ഗതാഗത മന്ത്രി മൗവിൻ ഗൊഡിൻഹോ, ഒഡിഷ, തെലുങ്കാന,യു.പി. ധനമന്ത്രിമാരായ നിരഞ്ജൻ പൂജാരി, ടി.ഹരീഷ് റാവു, സുരേഷ് കുമാർ ഖന്ന എന്നിവരാണ് സമിതിയിലെ മറ്റംഗങ്ങൾ. ജൂൺ 8ന് മുൻപ് സമിതി റിപ്പോർട്ട് സമർപ്പിക്കണം. കൂടുതൽ നിരക്ക് ഇളവുകൾ ഈ സമിതിയുടെ റിപ്പോർട്ടിന്റെ അടിസ്ഥാനത്തിലായിരിക്കും.
ഇറക്കുമതി ചെയ്യുന്ന കൊവിഡ് പ്രതിരോധ വസ്തുക്കൾക്ക് ജി.എസ്.ടി. ഇളവ് നൽകാൻ തീരുമാനിച്ചതായി ധനമന്ത്രി നിർമ്മല സീതാരാമൻ കഴിഞ്ഞ ദിവസം വ്യക്തമാക്കിയിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |