ന്യൂഡൽഹി: പി.എം.കെയേഴ്സ് ഫണ്ട് ഉപയോഗിച്ച് രാജ്യത്തുടനീളം 1500 ലധികം പി.എസ്.എ ഓക്‌സിജൻ പ്ലാന്റുകൾ സ്ഥാപിക്കും. ഇവയിൽ നിന്ന് നാലു ലക്ഷത്തിലധികം കിടക്കകളിൽ ഓക്സിജൻ ലഭ്യമാക്കും.

സംസ്ഥാന സർക്കാരുകളുമായി ബന്ധപ്പെട്ടാകും നടപ്പാക്കുന്നത്.

എത്രയുംവേഗം പ്രവർത്തനക്ഷമമാക്കാൻ ഇന്നലെ ചേർന്ന ഓക്സിജൻ അവലോകന യോഗത്തിൽ പ്രധാനമന്ത്രി നരേന്ദ്രമോദി നിർദ്ദേശം നൽകി.

ഇവ കൈകാര്യം ചെയ്യാൻ 8000 ത്തോളം പേർക്ക് പരിശീലനം നൽകുമെന്ന് അധികൃതർ പ്രധാനമന്ത്രിയെ അറിയിച്ചു.

നൂതന സാങ്കേതികവിദ്യയുടെ സഹായത്തോടെ പ്രാദേശിക, ദേശീയ തലങ്ങളിൽ ഓക്‌സിജൻ പ്ലാന്റുകൾ നിരീക്ഷിക്കാൻ സംവിധാനം വേണമെന്നും പ്രധാനമന്ത്രി നിർദ്ദേശിച്ചു.