ഇന്ന് കാർഗിൽ വിജയ് ദിവസ്. കാർഗിൽ യുദ്ധത്തിൽ ഇന്ത്യ പാകിസ്ഥാനു മേൽ സമ്പൂർണജയം നേടിയതിന്റെ 22-ാം വാർഷികം.
1999 മേയ് 3 മുതൽ ജൂലായ് 26 വരെ നീണ്ട യുദ്ധത്തിൽ 527 ഇന്ത്യൻ സൈനികർ ധീരരക്തസാക്ഷികളായി. ഇന്ന് ജമ്മു കാശ്മീരിലെ ദ്രാസിൽ, കാർഗിൽ യുദ്ധസ്മാരകത്തിൽ രാഷ്ട്രപതി രാംനാഥ് കോവിന്ദും ഡൽഹിയിലെ യുദ്ധസ്മാരകത്തിൽ പ്രധാനമന്ത്രി നരേന്ദ്രമോദിയും കാർഗിൽ രക്തസാക്ഷികൾക്ക് ആദരാഞ്ജലി അർപ്പിക്കും. ദേശസ്നേഹത്തിന് പ്രചോദനമേകിയും ധീരതയ്ക്ക് പര്യായമെഴുതിയും നമുക്കായ് ജീവൻ ത്യജിച്ച ധീരസൈനികരുടെ ജ്വലിക്കുന്ന ഓർമ്മകൾക്കു മുന്നിൽ രാജ്യത്തിന്റെ സല്യൂട്ട്.
കാർഗിലിനെക്കുറിച്ച് മോദി
ലോകം മുഴുവൻ സാക്ഷ്യം വഹിച്ച നമ്മുടെ സായുധ സേനയുടെ വീര്യത്തിന്റെയും അച്ചടക്കത്തിന്റെയും പ്രതീകമാണ് കാർഗിൽ യുദ്ധം. കാർഗിലിന്റെ ആവേശകരമായ കഥ നിങ്ങൾ വായിക്കണമെന്ന് ഞാൻ ആഗ്രഹിക്കുകയാണ്. കാർഗിൽ പോരാട്ടത്തിലെ ധീര ഹൃദയങ്ങളെ നമുക്കെല്ലാവർക്കും അഭിവാദ്യം ചെയ്യാം
നരേന്ദ്ര മോദി , പ്രധാനമന്ത്രി (മൻ കീബാത്തിൽ)
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |