മുംബയ്: പ്രശസ്ത പിന്നണി ഗായിക ജഗ്ജിത് കൗർ (93) അന്തരിച്ചു. അന്തരിച്ച സംഗീത സംവിധായകൻ മഹ്മൂദ് സഹുർ ഖയ്യാമിന്റെ ഭാര്യയാണ്. ഇന്നലെ രാവിലെ ആറിന് മുംബയിലെ വസതിയിൽ വച്ചായിരുന്നു അന്ത്യം. ജുഹു ശ്മശാനത്തിൽ സംസ്കാരം നടത്തി.
ഹിന്ദി, ഉറുദു ഭാഷകളിലായിരുന്നു പ്രധാനമായും പാടിയത്. തും അപ്ന രാഞ്ചോ ഖം, അപ്നി പരേഷാനി മുജേ ദേ ദോ, ഖാമോഷ് സിന്ദഗി കോ, അഫ്സാന മിൽ ഗയ , പെഹലേ തോ ആങ്ക് മിലാന, സദാ ചിഡിയ ദാ ചമ്പ വേ , കഹേ കോ ബ്യാഹി ബൈഡ്സ് എന്നിവയാണ് ശ്രദ്ധേയ ഗാനങ്ങൾ.
മകൻ പ്രദീപ് ഖയ്യാം 2012ൽ ഹൃദയാഘാതം മൂലം മരിച്ചിരുന്നു.
2016ൽ ദമ്പതികൾ ഖയ്യാം ജഗ്ജിത് ചാരിറ്റബിൾ കെ.പി.ജി ട്രസ്റ്റ് രൂപീകരിച്ച് തങ്ങളുടെ മൊത്തം സമ്പാദ്യമായ 10 കോടിയിലധികം രൂപ അവശ കലാകാരൻമാരെ സഹായിക്കാനായി നൽകിയിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |