ഗുവാഹതി: അസം നിയമസഭയിൽ ഗോവധ നിരോധന നിയമം പാസാക്കി. പരമാവധി ശിക്ഷ എട്ട് വർഷം വരെ തടവും അഞ്ച് ലക്ഷം വരെ പിഴയും. അറവ്​ നിയന്ത്രണം, മാംസ ഉപയോഗം, ഇറച്ചി കടത്തൽ, അനുമതി കൂടാതെയുള്ള കശാപ്പ്​ എന്നിവയ്ക്കുള്ള പിഴ കുത്തനെ കൂട്ടി.

പ്രതിപക്ഷ പ്രതിഷേധം വകവയ്ക്കാതെയാണ് അസം നിയമസഭ ബിൽ പാസാക്കിയത്. ബിൽ സെലക്​ട്​ കമ്മിറ്റിക്ക്​ വിടണമെന്ന പ്രതിപക്ഷ ആവശ്യം തള്ളിയതോടെ അവർ സഭ വിട്ടു. തുടർന്നാണ്​ ബിൽ പാസാക്കിയത്​.

ഹിന്ദു, ജൈന, സിഖ്​ തുടങ്ങി ബീഫ്​ കഴിക്കാത്ത ജനവിഭാഗങ്ങൾ കൂടുതലായി താമസിക്കുന്ന പ്രദേശങ്ങളിൽ കശാപ്പിനും മാംസവ്യാപാരത്തിനും ഹൈന്ദവ ക്ഷേത്രങ്ങൾക്കും സത്രങ്ങൾക്കും അഞ്ച്​ കിലോമീറ്റർ ചുറ്റളവിലും നിരോധനം ഏർപ്പെടുത്തി.

ബീഫ്​ കഴിക്കുന്നതിന്​ നിരോധനം ഏർപ്പെടുത്തുകയല്ല മറിച്ച്​ മറ്റുള്ളവരുടെ മതവികാരങ്ങൾ കൂടി പരിഗണിക്കണമെന്നതാണ്​ ലക്ഷ്യമിടുന്നതെന്ന്​ അസാം മുഖ്യമന്ത്രി ഹിമന്ത ബിശ്വ ശർമ പറഞ്ഞു.