ചെന്നൈ: ക്വാറന്റൈൻ ലംഘിച്ചതിന് വിശദീകരണം തേടി തമിഴ്നാട് ആരോഗ്യവകുപ്പ് നടൻ കമലഹാസന് നോട്ടീസ് അയച്ചു. നവംബർ 22 ന് കൊവിഡ് ബാധിച്ച കമൽ രോഗമുക്തനായ ശേഷം ഡിസംബർ നാലിന് ആശുപത്രി വിട്ടു. എന്നാൽ ഒരാഴ്ച വീട്ടിൽ ക്വാറന്റൈനിൽ കഴിയണമെന്ന് ഡോക്ടർമാർ നിർദ്ദേശിച്ചിരുന്നു. ഇത് ലംഘിച്ച കമൽ ആശുപത്രിയിൽ നിന്ന് വീട്ടിലേക്ക് പോകുന്നതിന് പകരം, നേരെ സ്വകാര്യ ചാനലിന്റെ ഷൂട്ടിംഗ് സൈറ്റിലേക്കാണ് പോയത്. ബിഗ് ബോസ് തമിഴിൽ ആതിഥേയനാണ് കമൽ. ഇതിൽ വിശദീകരണം തേടിയാണ് ആരോഗ്യവകുപ്പ് നോട്ടീസ് അയച്ചത്.