ന്യൂഡൽഹി : ഇസ്രയേൽ പ്രധാനമന്ത്രി നഫ്താലി ബെന്നറ്റ് നാല് ദിവസത്തെ സന്ദർശനത്തിനായി ഏപ്രിൽ 2ന് ഇന്ത്യയിലെത്തും.ഇന്ത്യൻ പ്രധാനമന്ത്രി നരേന്ദ്ര മോദിയുടെ പ്രത്യേക ക്ഷണം സ്വീകരിച്ചാണ് അദ്ദേഹം ഡൽഹിയിലെത്തുന്നത്. ഇന്ത്യ - ഇസ്രയേൽ നയതന്ത്ര ബന്ധം സ്ഥാപിതമായതിന്റെ മുപ്പതാം വാർഷികം ഈ വർഷം ആചരിക്കുന്ന പശ്ചാത്തലത്തിലാണ് ബെന്നറ്റിന്റെ സന്ദർശനം എന്നത് ശ്രദ്ധേയമാണ്.

' ഇന്ത്യയിലേക്കുള്ള ആദ്യ ഔദ്യോഗിക സന്ദർശനത്തിനായി എന്റെ സുഹൃത്ത് പ്രധാനമന്ത്രി മോദിയുടെ ക്ഷണത്തിൽ ഞാൻ സന്തുഷ്ടനാണ്. ഇന്ത്യ - ഇസ്രയേൽ ബന്ധത്തെ നല്ലരീതിയിൽ ഞങ്ങൾ മുന്നോട്ട് നയിക്കും ' ബെന്നറ്റ് പ്രസ്താവനയിൽ പറഞ്ഞു. ഇരു രാജ്യങ്ങൾ തമ്മിൽ വിവിധ മേഖലകളിലെ സഹകരണം ശക്തിപ്പെടുത്തുന്നതും ഉഭയകക്ഷി ബന്ധം വിപുലീകരിക്കുകയും ചെയ്യുകയാണ് സന്ദർശനത്തിന്റെ ലക്ഷ്യം. .