അഹ്‌മദാബാദ് : ഭയമില്ലാതെ ജീവിക്കാനുള്ള തന്റെ അവകാശം തിരിച്ചു തരണമെന്ന് ഗുജറാത്ത് സർക്കാരിനോട് അപേക്ഷിക്കുന്നതായി​ ബി​ൽക്കീസ് ബാനു പറഞ്ഞു. ''കഴിഞ്ഞ 20 വർഷമായി​ ഞാനനുനുഭവിച്ച മാനസികാഘാതമാണ് മാനഭംഗക്കേസി​ലെ പ്രതി​കളെ മോചി​പ്പി​ച്ചതോടെ വീണ്ടും എന്നിലുണ്ടായത്. എന്നെയും എന്റെ കുടുംബത്തെയും നശിപ്പിച്ച, എന്റെ മൂന്ന് വയസ്സുള്ള മകളെ എന്നിൽ നിന്നും പറിച്ചെടുത്ത 11 പേർ സ്വതന്ത്രരായി. സർക്കാരിന്റെ തീരുമാനം എന്നെ ഞെട്ടി​ച്ചു. ഞാൻ ഇവിടത്തെ പരമോന്നത കോടതിയിലും അതിന്റെ സംവിധാനങ്ങളിലും വിശ്വസിച്ചു. എനിക്ക് സംഭവിച്ച ആഘാതവും പേറി​ ജീവിക്കാൻ പതിയെ ശീലിച്ചു വരികയായിരുന്നു. എന്നാൽ, കുറ്റവാളികളെ വെറുതേ വിട്ടത് എനിക്ക് നിയമത്തിലുള്ള വിശ്വാസത്തെയും എന്റെ സമാധാനത്തെയും കവർന്നെടുത്തു. എന്റെ ദുഃഖവും പതറുന്ന വിശ്വാസവും എനിക്ക് വേണ്ടി മാത്രമല്ല, കോടതികളിൽ നീതിക്കായി കഷ്ടപ്പെടുന്ന ഓരോ സ്ത്രീക്കുമാണ്.- ബി​ൽക്കീസ് പറഞ്ഞു.