ന്യൂഡൽഹി: ഇൻഡിഗോ വിമാന എൻജിനിൽ തീപ്പൊരി കണ്ട സംഭവത്തിൽ ഡയറക്ടർ ജനറൽ ഒഫ് സിവിൽ ഏവിയേഷൻ (ഡി.ജി.സി.എ) വിശദമായ അന്വേഷണത്തിന് ഉത്തരവിട്ടു. കേന്ദ്ര സിവിൽ വ്യോമയാന മന്ത്രാലയത്തിന്റെ നിർദ്ദേശത്തെ തുടർന്നാണിത്.
വെള്ളിയാഴ്ച രാത്രി 10 മണിയോടെ ഡൽഹിയിൽ നിന്ന് ബാംഗ്ളൂരിലേക്കുള്ള ഇൻഡിഗോ 6ഇ-2131 വിമാനം പറക്കാനൊരുങ്ങുമ്പോഴാണ് വലതു ചിറകിന് താഴെയുള്ള എൻജിനിൽ തീപ്പൊരിയുണ്ടായത്. അലാറം ഉയരുകയും വിമാനത്തിലെ അഗ്നിശമന ഉപകരണങ്ങൾ പ്രവർത്തന സജ്ജമാകുകയും ചെയ്തു. തുടർന്ന് പൈലറ്റ് ടേക്ക് ഒാഫ് റദ്ദാക്കി വിമാനം തിരിച്ചിറക്കി. 180 യാത്രക്കാരെ മറ്റൊരു വിമാനത്തിൽ കയറ്റി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |