പാകിസ്ഥാനെയും വീഴ്ത്തി യു.എസ്

ടെക്സാസ്: ഗ്രൂപ്പ് എയിൽ ആവേശം സൂപ്പർ ഓവറോളം നീണ്ട ത്രില്ലർ പോരാട്ടത്തിൽ പാകിസ്ഥാനെയും വീഴ്ത്തി യു.എസ്.എയു

ടെ കുതിപ്പ്. സൂപ്പർ ഓവറിൽ 5 റൺസിനാണ് യു.എസിന്റെ ജയം. ആദ്യ മത്സരത്തിൽ കാനഡയേയും തോൽപ്പിച്ച് യു.എസ്. പോയിനറ് ടേബിളിൽ ഒന്നാമതെത്തി.

ആദ്യം ബാറ്റ് ചെയ്ത പാകിസ്ഥാൻ 20 ഓവറിൽ 20 ഓവറിൽ 7 വിക്കറ്റ നഷ്ടത്തിൽ 159 റൺസെടത്തു. മറുപടിക്കിറങ്ങിയ യു.എസ്.എയും 20 ഓവറിൽ 3 വിക്കറ്റ് നഷ്ടത്തിൽ 159 റൺസെടുത്തതോടെയാണ് മത്സരം സൂപ്പർ ഓവറിലേക്ക് നീണ്ടത്. പാക് താരം മുഹമ്മദ് ആമിർ എറിഞ്ഞ സൂപ്പർ ഓവറിൽ യു.എസ് 18 റൺസാണ് നേടിയത്. 7 റൺസും എക്‌സ്‌ട്രാസായിരുന്നു. ആരോൺ ജോൺസും (11), ഹർമീത് സിംഗുമായിരുന്നു യു.എസിന്റ ബാറ്റർമാർ.

സൗരഭ് നേത്രവാൽക്കറായിരുന്നു യു.എസിനായി സൂപ്പർ ഓവർ എറിഞ്ഞത്. മൂന്നാം പന്തിൽ ഇഫ്തിഖർ (4)​ പുറത്തായി. പിന്നീട് ഫഖറിനും ഷദാബിനും ടീമിനെ വിജയലക്ഷ്യത്തിലെത്തിക്കാനായില്ല. 13റൺസിൽ പാക് വെല്ലിവിളി അവസാനിച്ചു.

നേരത്തേ 26/3 എന്ന നിലയിൽ പ്രതിസന്ധിയിൽ ആയ പാകിസ്ഥാനെ ക്യാപ്ടൻ ബാബർ അസമും (43), ഷദാബ് ഖാനും (25 പന്തിൽ 40),ഷഹീൻ അഫ്രീദിയുമാണ് ( പുറത്താകാതെ 23) ഭേദപ്പെട്ട സ്കോറിൽ എത്തിച്ചത്. യു.എസിനായി കെൻജികെ 3 വിക്കറ്റ് വീഴ്ത്തി. ചേസിംഗിൽ യു.എസ് ക്യാപ്ൻ മോണക് പട്ടേൽ (50) അർദ്ധസെഞ്ച്വറി നേടി.ഗൗസ്(35),ആരോൺ ജോൺസ് (പുറത്താകാതെ 36) എന്നിവരും തിളങ്ങി.