ഐ.പി.എല്ലിലെ റൺവേട്ടക്കാരിൽ പ്രമുഖനാണ് ആസ്ട്രേലിയൻ ഇടം കയ്യൻ ഓപ്പണർ ഡേവിഡ് വാർണർ. വേട്ടക്കാരൻ വാറുണ്ണിയെപ്പോലെ എതിരാളിയെ അടിച്ചുതകർക്കുന്ന ഈ ഇടംകയ്യൻ ഓപ്പണർ കഴിഞ്ഞ ദിവസം ടൂർണമെന്റിൽ ഒരു റെക്കാഡ് കുറിച്ചു.ഐ.പി.എല്ലിൽ 50 അർദ്ധസെഞ്ച്വറികൾ തികയ്ക്കുന്ന ആദ്യ ബാറ്റ്സ്മാൻ എന്ന റെക്കാഡ്. ചെന്നൈ സൂപ്പർ കിംഗ്സിനെതിരായ മത്സരത്തിലായിരുന്നു വാർണറുടെ അർദ്ധ സെഞ്ച്വറികളിലെ അർദ്ധ സെഞ്ച്വറി.
148
മത്സരങ്ങളിൽ നിന്നാണ് വാർണർ ഈ നേട്ടം കരസ്ഥമാക്കിയത്.നാല് ഐ.പി.എൽ സെഞ്ച്വറികളും വാർണർ സ്വന്തം പേരിൽ കുറിച്ചിട്ടുണ്ട്.
43
അർദ്ധസെഞ്ച്വറികളുമായി ശിഖർ ധവാനാണ് വാർണർക്ക് പിന്നിൽ രണ്ടാമത്.രോഹിത് ശർമ്മയും ഡിവില്ലിയേഴ്സും 40 എണ്ണം വീതം നേടിയിട്ടുണ്ട്.
200
സിക്സുകളും ഐ.പി.എല്ലിൽ വാർണർ സ്വന്തമാക്കി.525 ഫോറുകളും നേടിയിട്ടുണ്ട്. ധവാനും(624), റെയ്നയ്ക്കും (502) ശേഷം ഏറ്റവും കൂടുതൽ ബൗണ്ടറികൾ നേടുന്ന താരവും വാർണറാണ്.
10000
ട്വന്റി-20 ഫോർമാറ്റിൽ 10000 റൺസ് തികയ്ക്കുന്ന നാലാമത്തെ താരമാണ് വാർണർ.ക്രിസ് ഗെയ്ൽ.കെയ്റോൺ പൊള്ളാഡ്.ഷൊയ്ബ് മാലിക്ക് എന്നിവരാണ് മുന്നിലുള്ളത്.
5000
ഐ.പി.എല്ലിൽ ആദ്യം 5000 റൺസ് തികയ്ക്കുന്ന വിദേശതാരമെന്ന ബഹുമതി സ്വന്തമാക്കിയത് വാർണറാണ്.
135
ഇന്നിംഗ്സുകളിൽ നിന്നാണ് വാർണർ 5000 ഐ.പി.എല്ലിൽ 5000 റൺസ് തികച്ചത്. ഏറ്റവും കുറഞ്ഞ ഇന്നിംഗ്സുകളിൽ നിന്ന് ഈ നേട്ടത്തിലെത്തുന്ന താരം.
3
ഏറ്റവും കൂടുതൽ റൺസ് നേടിയതിനുള്ള ഓറഞ്ച് ക്യാപ്പ് മൂന്ന് സീസണുകളിൽ സ്വന്തമാക്കിയിട്ടുണ്ട്.
140.13
ആണ് വാർണറുടെ സ്ട്രൈക്ക്റേറ്റ്. 42.22 ആണ് ബാറ്റിംഗ് ശരാശരി. ഉയർന്ന സ്കോർ 126.
2009
ൽ ഡൽഹി ഡെയർഡെവിൾസിലൂടെയാണ് വാർണർ ഐ.പി.എല്ലിലേക്ക് എത്തുന്നത്.2013 വരെ അവിടെ കളിച്ചു.
2014
ലാണ് സൺറൈസേഴ്സിലെത്തിയത്.തൊട്ടടുത്ത വർഷം നായകനായി. പന്തുരയ്ക്കൽ കേസിൽ വിലക്കപ്പെട്ടതിനാൽ 2018ൽ മാറിനിൽക്കേണ്ടി വന്നു. 2020ൽ കേൻ വില്യംസണിൽ നിന്ന് വീണ്ടും ക്യാപ്ടൻസി ഏറ്റെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |