ഇന്ത്യ-നേപ്പാൾ ഫുട്ബാൾ മത്സരം 1-1ന് സമനിലയിൽ പിരിഞ്ഞു

കാഠ്മണ്ഡു : നേപ്പാളിനെതിരായ അന്താരാഷ്ട്ര സൗഹൃദമത്സരത്തിൽ ഇന്ത്യയ്ക്ക് സമനില. ഇന്നലെ കാഠ്മണ്ഡുവിൽ നടന്ന മത്സരത്തിൽ ഇരു ടീമുകളും ഓരോ ഗോളടിച്ച് സമനിലയിൽ പിരിയുകയായിരുന്നു. ആദ്യ പകുതിയിലാണ് നേപ്പാൾ സ്കോർ ചെയ്തത്. രണ്ടാം പകുതിയിലാണ് ഇന്ത്യ സമനില പിടിച്ചത്. 36-ാം മിനിട്ടിൽ അൻജാൻ ബിസ്തയാണ് നേപ്പാളിനായി ഗോളടിച്ചത്. 60-ാം മിനിട്ടിൽ അനിരുദ്ധ് താപ്പയാണ് ഇന്ത്യയ്ക്ക് വേണ്ടി സമനില പിടിച്ചത്. ഞായറാഴ്ച ഇന്ത്യ വീണ്ടും നേപ്പാളിനെ നേരി‌ടുന്നുണ്ട്.