ന്യൂസിലാൻഡിൽ നടക്കുന്ന വനിതാ ഏകദിന ലോകകപ്പ് ക്രിക്കറ്റിന്റെ രണ്ടാം മത്സരത്തിൽ ഇന്ത്യ ഇന്ന് ആതിഥേയരെ നേരിടും.
ഹാമിൽട്ടണിൽ ഇന്ത്യൻ സമയം ഇന്ന് രാവിലെ 6.30നാണ് മത്സരം തുടങ്ങുന്നത്.
ആദ്യ മത്സരത്തിൽ പാകിസ്ഥാനെ 107 റൺസിന് തോൽപ്പിച്ചതിന്റെ ആത്മവിശ്വാസത്തിലാണ് ഇന്ത്യ ഇറങ്ങുന്നത്.
കിവീസ് വനിതകളുടെ മൂന്നാം മത്സരമാണിത്. ഉദ്ഘാടന മത്സരത്തിൽ വിൻഡീസിനോട് മൂന്ന് റൺസിന് തോറ്റ അവർ രണ്ടാം മത്സരത്തിൽ ബംഗ്ളാദേശിനെ ഒൻപത് വിക്കറ്റിന് കീഴടക്കിയിരുന്നു.
മികച്ച ഫോമിലുള്ള സ്മൃതി മന്ഥാന,ക്യാപ്ടൻ മിഥാലി രാജ്,ഹർമൻ പ്രീത് കൗർ, രാജേശ്വരി ഗെയ്ക്ക്വാദ്,ജുലാൻ ഗോസ്വാമി തുടങ്ങിയവരുടെ കരുത്തിലാണ് ഇന്ത്യ ഇറങ്ങുന്നത്.
ലോകകപ്പിൽ ഇന്നലെ നടന്ന മത്സരത്തിൽ വിൻഡീസ് വനിതകൾ ഏഴുറൺസിന് ഇംഗ്ളണ്ടിനെ തോൽപ്പിച്ചു.
ആദ്യം ബാറ്റുചെയ്ത വിൻഡീസ് ആറു വിക്കറ്റ് നഷ്ടത്തിൽ 225 റൺസടിച്ചപ്പോൾ ഇംഗ്ളണ്ട് 47.4 ഓവറിൽ 218ന് ആൾഒൗട്ടായി.
ഇന്ത്യ Vs ന്യൂസിലാൻഡ്
6.30 am മുതൽ സ്റ്റാർ സ്പോർട്സിൽ ലൈവ്
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |