മുംബയ്: ഐ.പി.എല്ലിൽ ഇന്നലെ നടന്ന രണ്ടാമത്തെ മത്സരത്തിൽ റോയൽ ചലഞ്ചേഴ്സ് ബാംഗ്ലൂർ 16 റൺസിന് ഡൽഹി ക്യാപിറ്റൽസിനെ കീഴടക്കി.
ആദ്യം ബാറ്റ് ചെയ്ത ബാംഗ്ലൂർ റോയൽ ചലഞ്ചേഴ്സ് 20 ഓവറിൽ 5 വിക്കറ്റ് നഷ്ടത്തിൽ 189 റൺസ് നേടി.മറപടിക്കിറങ്ങിയ ഡൽഹിക്ക് 20 ഓവറിൽ 7 വിക്കറ്റ് നഷ്ടത്തിൽ 173 റൺസെടുക്കാനേ കഴിഞ്ഞുള്ളൂ. ഡൽഹിക്കായി ഹാസൽവുഡ്ഡും സിറാജും രണ്ട് വിക്കറ്റ് വീതം വീഴ്ത്തി. 38 പന്തിൽ 66 റൺസ് നേടിയ ഡേവിഡ് വാർണറാണ് ഡൽഹിയുടെ ടോപ് സ്കോറർ. ക്യാപടൻ പന്ത് 34 റൺസ് നേടി.
നേരത്തേ മുൻനിര നിരാശപ്പെടുത്തിയപ്പോൾ 34 പന്തിൽ 5വീതം സിക്സും ഫോറും ഉൾപ്പെടെ പുറത്താകാതെ 66 റൺസ് നേടിയ ദിനേഷ് കാർത്തിക്കാണ് ബാംഗ്ലൂർ ഇന്നിംഗ്സിന്റെ നട്ടെല്ലായത്. ഗ്ലെൻ മാക്സ്വെൽ 34 പന്തിൽ 55 റൺസ് നേടി. ഷഹബാസ് അഹമ്മദ് 21 പന്തിൽ 32 റൺസുമായി പുറത്താകാതെ നിന്നു.
ഐ.പി.എല്ലിൽ ഇന്ന്
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |