ലണ്ടൻ : ഇന്ത്യൻ പേസർ നവ്‌ദീപ് സെയ്നി ഇംഗ്ളീഷ് കൗണ്ടി ക്ളബ് കെന്റുമായി കരാർ ഒപ്പിട്ടു. മൂന്ന് കൗണ്ടി ചാമ്പ്യൻഷിപ്പ് മത്സരങ്ങളിലും അഞ്ച് റോയൽ വൺ ഡേ കപ്പ് മത്സരങ്ങളിലുമാണ് സെയ്നി കെന്റിന്റെ കുപ്പായമണിയുക. 2020-21 സീസണിൽ ഇന്ത്യയ്ക്കായി ടെസ്റ്റ് അരങ്ങേറ്റം കുറിച്ച 29കാരനായ സെയ്നി എട്ട് ഏകദിനങ്ങളിലും ഇന്ത്യൻ കുപ്പായമണിഞ്ഞു. ഉമേഷ് യാദവ്,വാഷിംഗ്ടൺ സുന്ദർ,ക്രുനാൽ പാണ്ഡ്യ,ചേതേശ്വർ പുജാര എന്നീ ഇന്ത്യൻ താരങ്ങളും ഈ സീസണിൽ വിവിധ കൗണ്ടി ക്ളബുകൾക്ക് വേണ്ടി കളിക്കുന്നുണ്ട്.