വാഷിംഗ്ടൺ: കൊറിയൻ ഉപദ്വീപിലെ ആണവനിരായുധീകരണ നയതന്ത്ര ചര്ച്ചകളിൽ ഉത്തരകൊറിയയുടെ രംഗപ്രവേശത്തിനായി കാത്തിരിക്കുന്നുവെന്ന് അമേരിക്കൻ സ്റ്റേറ്റ് സെക്രട്ടറി ആന്റണി ബ്ലിങ്കൻ. കൊറിയൻ ഉപദ്വീപിനെ പൂർണമായി ആണവ നിരായൂധികരിക്കാനുള്ള മികച്ച മാർഗം ഉത്തരകൊറിയയുമായുള്ള നയതന്ത്രബന്ധം ശക്തിപ്പെടുത്തുക എന്നതാണ് - ബ്ലിങ്കൻ പറഞ്ഞു.
ഇക്കഴിഞ്ഞ വെള്ളിയാഴ്ച ദക്ഷിണ കൊറിയൻ പ്രസിഡന്റ് മൂൺ ജെ ഇന്നും അമേരിക്കൻ പ്രസിഡന്റ് ജോ ബൈഡനും തമ്മിൽ നടന്ന ആണവ നിരായൂധീകരണവുമായി ബന്ധപ്പെട്ട ചർച്ചയിലും ഉത്തരകൊറിയയുടെ ഈ വിഷയം ചർച്ചയായിരുന്നു.
ശരിയായ സന്ദർഭത്തിൽ ഉത്തരകൊറിയൻ ഭരണാധികാരി കിം ജോംഗ് ഉന്നുമായി ചർച്ച നടത്തുമെന്നും മൂൺ പറഞ്ഞിരുന്നു.
ബൈഡൻ അധികാരത്തിലെത്തിലേറിയത് മുതൽ ഉത്തരകൊറിയയുമായി നയതന്ത്ര ചര്ച്ചകൾക്ക് ശ്രമിച്ചിരുന്നെങ്കിലും ഈ ക്ഷണങ്ങളെല്ലാം നിരസിക്കുന്ന നിലപാടായിരുന്നു ഉത്തരകൊറിയ സ്വീകരിച്ചത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |