ബമാകോ: മാലിയിൽ അധികാരം പിടിച്ചതായി പ്രഖ്യാപിച്ച് പട്ടാളം. അടുത്ത വർഷം തെരഞ്ഞെടുപ്പ്​ പ്രഖ്യാപിച്ച്​ കേണൽ അസീമി ഗോയ്​റ്റയാണ്​ ഒരു വർഷത്തിനിടെ രണ്ടാം തവണയും രാജ്യത്ത്​ പട്ടാള അട്ടിമറിയിലൂടെ അധികാരമേറുന്നത്​. മാലിയിലെ പ്രസിഡന്റ് ബാഹ്​ എൻഡാവ്, പ്രധാനമന്ത്രി മുക്​താർ ഔൻ, പ്രതിരോധ മന്ത്രി എന്നിവരെ ചൊവ്വാഴ്ച പട്ടാളം അറസ്റ്റ് ചെയ്തിരുന്നു. തലസ്ഥാന നഗരമായ ബമാകോയിൽ നിന്ന്​ 15 കിലോമീറ്റർ അകലെ കാറ്റിയിലെ സൈനിക ആസ്ഥാനത്ത്​ കസ്​റ്റഡി​യിൽ കഴിയുന്ന ഇവരെ കുറിച്ച്​ സൂചനകളില്ല​.

അറസ്​റ്റിന്​ ഒരു ദിവസം കഴിഞ്ഞാണ്​ അധികാരം പിടിക്കുകയാണെന്നും ഒരു വർഷം കഴിഞ്ഞ്​ 2022ൽ വീണ്ടും തിരഞ്ഞെടുപ്പ്​ നടത്തുമെന്നും അസീമി പ്രഖ്യാപിച്ചത്​. ജനാധിപത്യപരമായി നടന്ന തിരഞ്ഞെടുപ്പിൽ ജയിച്ച മുൻ പ്രസിഡന്റിനെ കഴിഞ്ഞ ​ആഗസ്​റ്റിൽ പുറത്താക്കി അധികാരം പിടിച്ച അസീമിയുടെ പുതിയ പ്രഖ്യാപനം വിശ്വസിക്കാനാവില്ലെന്ന്​ വിദഗ്ദ്ധർ സൂചിപ്പിക്കുന്നു.

പട്ടാളം കൂടുതൽ അധികാരം പ്രയോഗിക്കുന്ന രാജ്യത്ത്​ പുതിയ പ്രസിഡന്റ് മന്ത്രിസഭയിൽ നിന്ന്​ രണ്ട്​ സൈനിക പ്രതിനിധികളെ മാറ്റിനിറുത്തിയതാണ്​ അട്ടിമറിക്ക്​ കാരണമായി ചൂണ്ടിക്കാട്ടുന്നത്.

@ഫ്രാൻസിന്റെ മുൻ കോളനിയായിരുന്ന ഇവിടെ യൂറോപ്യൻ ശക്​തി ഇപ്പോഴും കാര്യങ്ങളിൽ ഇടപെടുന്നുണ്ട്​. പുതിയ നീക്കം സൈനിക അട്ടിമറിയാണെന്നും കടുത്ത പ്രത്യാഘാതം നേരിടേണ്ടിവരുമെന്നും ഫ്രാൻസ്​ മുന്നറിയിപ്പ്​ നൽകിയിട്ടുണ്ട്​