ജറുസലേം : ഗാസയിൽ വീണ്ടും വ്യോമാക്രമണം ശക്തമാക്കി ഇസ്രയേൽ.ഗാസ പട്ടണത്തിലെയും ബെയ്​ത്​ ലാഹിയയിലെയും വിവിധ കേന്ദ്രങ്ങളിലാണ് ആക്രമണമുണ്ടായത്​. പുതിയ സർക്കാറും ആക്രമണത്തിന്‍റെ പാതയിലാണെന്നും സ്വന്തം ജനതയുടെയുടെ സംരക്ഷണത്തിന് വേണ്ടി ഏതറ്റം വരെയും പോകുമെന്ന് ആക്രമണത്തെക്കുറിച്ച് ഹമാസ് പ്രതികരിച്ചു.

എന്നാൽ അഗ്​നി ബലൂണുകൾ തൊടുക്കുന്നത്​ ഹമാസ് തുടരുന്ന സാഹചര്യത്തിലാണ്​ ആക്രമണമെന്നാണ്​ ഇസ്രയേൽ ​വിശദീകരണം. തുടർച്ചയായ മൂന്നാം ദിവസമാണ്​ ഇത്തരം ബലൂണുകൾ ഗസയിൽനിന്ന്​ ഇസ്രയേൽ അതിർത്തി കടക്കുന്നത്​. ഹമാസിന്‍റെ സൈനിക ശേഷി സമ്പൂർണമായി ഇല്ലാതാക്കും വരെ ആക്രമണം തുടരുമെന്നും ഗാസയിൽ നടക്കുന്നതിന്​ ഉത്തരവാദി ഹമാസ്​ ആയിരിക്കുമെന്നും ഇസ്രയേൽ സൈന്യം വാർത്താക്കുറിപ്പിൽ കുറ്റപ്പെടുത്തി.

അതെ സമയം യു.എസ്​ സ്​റ്റേറ്റ്​ സെക്രട്ടററി ആന്‍റണി ബ്ലി​ങ്കനും ഇസ്രയേൽ വിദേശകാര്യ മന്ത്രി യായ്ർ ലാപിദും തമ്മിൽ സംഭാഷണം നടത്തി.