ടോ​ക്കിയോ: ജപ്പാനിലെ അടാമിയിൽ കഴിഞ്ഞ ദിവസമുണ്ടായ മണ്ണിടിച്ചിലിൽപ്പെട്ട് കാണാതായവരുടെ എണ്ണം 100 കവിഞ്ഞു. ഇതുവരെ മൂന്ന് പേരുടെ മൃതദേഹമാണ് പുറത്തെടുത്തത്. 23 പേരെ​ ഇതുവരെ രക്ഷപ്പെടുത്തി​.

തീരദേശ നഗരവും ജപ്പാനിലെ പ്രധാനപ്പെട്ട വിനോദ സഞ്ചാര കേന്ദ്രങ്ങളിൽ ഒന്നുമായ അടാമിയിൽ ദിവസങ്ങളോളം പെയ്​ത മഴക്കൊടുവിലാണ്​ മണ്ണിടിഞ്ഞത്​. വിവിധ ഭാഗങ്ങളിൽ മണ്ണിടിഞ്ഞ്​ നഗര മദ്ധ്യത്തിലേക്ക്​ മണ്ണും വെള്ളവും ഒഴുകുകയായിരുന്നു. 130 കെട്ടിടങ്ങൾ തകർന്നു. ഇതിനുള്ളിൽ കുടുങ്ങിയവർക്കായാണ്​ തെരച്ചിൽ. 20 പേർ മണ്ണിനുള്ളിൽ കുടുങ്ങിയെന്നായിരുന്നു ആദ്യ റിപ്പോർട്ട്. എന്നാൽ, 113 പേരെ ഇനിയും കണ്ടെത്താനുണ്ടെന്ന്​ താമസ രജിസ്റ്റ‌ർ പരിശോധിച്ച ശേഷം അധികൃതർ വെളിപ്പെടുത്തി. അതേസമയം, കനത്ത മഴ രക്ഷാപ്രവർത്തനത്തിന് തടസ്സം സൃഷ്ടിക്കുന്നുണ്ട്.