ബീജിംഗ്: ചൈനയിൽ കൊവിഡ് തീവ്രവ്യാപനം വീണ്ടും ശക്തിപ്രാപിക്കുന്നു. 25 നഗരങ്ങളിലായി 400 പേരിൽ ഡെൽറ്റ റിപ്പോർട്ട് ചെയ്തു. 31 പ്രവിശ്യകളിൽ 17ലും രോഗം കണ്ടെത്തി. തലസ്ഥാനമായ ബീജിംഗിലുൾപ്പെടെ നിയന്ത്രണങ്ങളും പരിശോധനയും ശക്തമാക്കി.നിയ​ന്ത്രണങ്ങളുടെ ഭാഗമായി വേനൽക്കാല അവധി ദിവസങ്ങളിൽ വിനോദസഞ്ചാരികളെ തലസ്ഥാനത്തേക്ക് പ്രവേശിക്കുന്നതിന്​ വി​ലക്കേർപ്പെടുത്തി. ബീജിംഗിൽ 13 റെയ്​ൽ ലൈനുകളിൽ സർവീസ്​ റദ്ദാക്കി. 23 സ്​റ്റേഷനുകളിൽ ടിക്കറ്റ്​ വിൽപന നിറുത്തി. 31 പ്രവിശ്യകളിലെയും പ്രാദേശിക ഭരണകൂടങ്ങളും നിയന്ത്രണങ്ങൾ കടുപ്പിച്ചിട്ടുണ്ട്​. ആവശ്യമില്ലെങ്കിൽ വീട്ടിൽ നിന്ന്​ പുറത്തുപോകരുതെന്ന് നിർദ്ദേശം നൽകിയിട്ടുണ്ട്. വ്യാപന സാദ്ധ്യതയുള്ള 20 മേഖലകളിൽ യാത്രക്ക്​ പ്രത്യേക വിലക്കുണ്ട്​. നാൻജിംഗ്, യാംഗ്​സൂ പ്രവിശ്യകളിൽ ആഭ്യന്തര വിമാന സർവീസ്​ നിറുത്തി.

വുഹാന്​ പുറമെ യാംഗ്​സു, ഷെംഗ്​സു എന്നിവിടങ്ങളിൽ കൂട്ട പരിശോധന ആരംഭിച്ചു​.പ്ര​ധാ​ന​ ന​ഗ​ര​ങ്ങളിൽ ദ​ശ​ല​ക്ഷ​ക്ക​ണ​ക്കിനാളു​കളെയാണ്​ കൊവിഡ്​ പരിശോധനക്ക്​ രാജ്യം വിധേയമാക്കിയത്​. ഇവിടങ്ങളിൽ പട്ടണം വിടാൻ കൊവിഡ്​ നെഗറ്റീവ്​ സർട്ടിഫിക്കറ്റ്​ വേണം.

വു​ഹാ​നി​ൽ കു​ടി​യേ​റ്റ തൊ​ഴി​ലാ​ളി​ക​ളിൽ ഏഴ്​ പേർക്ക്​ കൊവിഡ്​ സ്ഥിരീകരിച്ചതിന്​ പിന്നാലെ മാസങ്ങൾക്ക്​ ശേഷം ചൈ​ന പ്രാദേശിക ലോ​ക്ക്ഡൗൺ പ്ര​ഖ്യാ​പി​ച്ചു. റ​സി​ഡൻ​ഷ്യ​ൽ മേ​ഖ​ല​ക​ളായി തിരിച്ച്​ ലോക്ക്ഡൗൺ പ്രഖ്യാപിച്ചിട്ടുണ്ട്​.സ​മ്പ​ർ​ക്ക​മു​ള്ള​വ​രെ നിർബന്ധിത ക്വാ​റന്റൈ​നി​ലാക്കും.