​

മോസ്​കോ: റഷ്യയിലെ കംചത്ക്ക ഉപദ്വീപിൽ 13 സഞ്ചാരികളും മൂന്ന് ജീവനക്കാരുമായി പറന്ന വിറ്റ്യാസ്​ ഏറോ ഹെലികോപ്ടർ തകർന്നു വീണ് എട്ടുപേർ മരിച്ചെന്ന് റിപ്പോ‌ർട്ട്. ക്രോനോട്​സ്​കി നാചുറൽ റിസർവിലെ ക്യുറൈൽ തടാകത്തിലേക്കാണ് എം.ഐ 8 ഹെലികോപ്ടർ തകർന്ന്​ വീണതെന്ന്​ പ്രാദേശിക ഭരണകൂടം അറിയിച്ചു. പെട്രോപാവ്​ലോസ്​ക്​-കാംചാസ്​ക്കി നഗരത്തിന്​ സമീപമുള്ള അഗ്​നിപർവതം കാണാനായാണ്​ സഞ്ചാരികൾ പുറപ്പെട്ടത്​.

രക്ഷാപ്രവർത്തകരും മുങ്ങൽ വിദഗ്ദ്ധരും സംഭവ സ്ഥലത്തെത്തി. എട്ടുപേരെ രക്ഷപ്പെടുത്തിയതായി പ്രദേശിക ആരോഗ്യ മന്ത്രാലയം അറിയിച്ചു.

അപകടത്തെ കുറിച്ച്​ അന്വേഷണം ആരംഭിച്ചു. ഉപദ്വീപിൽ ജൂലായിലുണ്ടായ അപകടത്തിൽ വിമാനം തകർന്ന്​ 19 പേർ മരിച്ചിരുന്നു