വാഷിംഗ്ടൺ: ഉപയോഗശൂന്യമായ കൊവിഡ‍് വാക്സിൻ വയലുകൾ കൊണ്ട് അതിമനോഹരമായ ഒരു ഷാൻഡലിർ നിർമ്മിച്ചിരിക്കുകയാണ് അമേരിക്കൻ സംസ്ഥാനമായ കൊളറാഡോയിൽ നഴ്സായ ലോറാ വെയ്സ്. ഒറ്റ നോട്ടത്തിൽ വിലയേറിയ ഒരു ഷാൻഡലിർ ആണെന്നേ തോന്നൂ. മൊഡേണ വാക്സിന്റെ ഒഴിഞ്ഞ വയലുകൾ ഉപയോഗിച്ചാണിത് നിർമ്മിച്ചത് - ലോറ പറയുന്നു. ബോൾഡർ കൗണ്ടിയിലെ വാക്സിനേഷൻ യജ്ഞത്തിന് സഹായിച്ച ആരോ​ഗ്യ പ്രവർത്തകരേയും വോളണ്ടിയർമാരേയും ആദരിക്കുകയായിരുന്നു ലോറയുടെ ലക്ഷ്യം. ബോൾഡർ കൗണ്ടി പബ്ലിക് ഹെൽത്തിന്റെ ഫേസ്ബുക്ക് പേജിൽ ലോറയെ അഭിനന്ദിച്ച് ചിത്രം സഹിതം പോസ്റ്റ് ചെയ്തിട്ടുണ്ട്.

അരക്ഷിതാവസ്ഥകൾക്ക് ശേഷം ഉറപ്പായും വെളിച്ചം പരക്കും എന്ന ആശയം പങ്കുവയ്ക്കുക കൂടിയായിരുന്നു താനെന്നും ലോറ പറയുന്നു.