സിയോൾ: ബാലിസ്റ്റിക് മിസൈൽ പരീക്ഷണവിക്ഷപണം വിജയകരമായി പൂർത്തിയാക്കി ദക്ഷിണ കൊറിയ. ഇന്നലെ പുതുതായി കമ്മിഷൻ ചെയ്ത അന്തർവാഹിനിയായ അൻ ചാംഗ് - ഹോയിൽ നിന്നാണ് മിസൈൽ വിക്ഷേപിച്ചത്. ഇതോടെ നൂതന സാങ്കേതികവിദ്യ കൈവശമുള്ള ലോകത്തെ ഏഴാമത്തെ രാജ്യമായി ദക്ഷിണ കൊറിയ മാറി. ദക്ഷിണ കൊറിയൻ പ്രസിഡന്റ് മൂൺ ജേ ഇന്നിന്റെ മേൽനോട്ടത്തിലാണ് വിക്ഷേപണം നടത്തിയത്. ഉത്തര കൊറിയ രണ്ട് ബാലിസ്റ്റിക് മിസൈലുകളുടെ വിക്ഷേപണം നടത്തി മണിക്കൂറുകൾക്കുള്ളിലാണ് ദക്ഷിണ കൊറിയയുടെ മിസൈൽ വിക്ഷപണം. ഈ ആഴ്ച ഇത് രണ്ടാംതവണയാണ് ഉത്തരകൊറിയ മിസൈൽ വിക്ഷേപണം നടത്തുന്നത്. ചൈനീസ് വിദേശകാര്യമന്ത്രി വാംഗ് യിയുടെ സിയോൾ സന്ദർശനത്തിനിടെയാണ് ഉത്തര കൊറിയ രണ്ടാം മിസൈൽ വിക്ഷേപണം നടത്തിയതെന്നതും ശ്രദ്ധേയമാണ് .ഉത്തര കൊറിയയിൽ നിന്നുള്ള ഭീഷണികൾ ശക്തമാകുന്ന സാഹചര്യത്തിൽ ദക്ഷിണ കൊറിയ തങ്ങളുടെ സൈനിക സാങ്കേതികവിദ്യകൾ കൂടുതൽ ശക്തിപ്പെടുത്തുന്നുണ്ട്. അതേസമയം, തുടരെയുള്ള മിസൈൽ വിക്ഷേപണത്തിനെതിരെ ഉത്തര കൊറിയയെ വിമർശിച്ച് ലോകരാജ്യങ്ങൾ രംഗത്തെത്തിയിട്ടുണ്ട്.

@ ഉത്തര കൊറിയ ചർച്ചയ്ക്ക് തയ്യാറാകണം

അതേസമയം, ജ​പ്പാൻ, അ​മേ​രി​ക്ക, ദ​ക്ഷി​ണ കൊ​റി​യ എന്നീ രാ​ജ്യ​ങ്ങൾ ഉ​ത്ത​ര കൊ​റി​യ​യോ​ട്​ ആ​യു​ധ ചർച്ച​ക​ളി​ലേ​ക്ക്​ മ​ട​ങ്ങാ​ൻ ആ​വ​ശ്യ​പ്പെട്ടു. ടോക്കിയോയിൽ ന​ട​ക്കു​ന്ന ത്രി​ത​ല ച​ർച്ച​ക​ളി​ൽ ഉ​ത്ത​ര കൊ​റി​യ​യി​ലെ യു.​എ​സ്​ പ്ര​ത്യേ​ക പ്ര​തി​നി​ധി സുംഗ്​ കിം, ​കൊ​റി​യ​ൻ ഉ​പ​ദ്വീ​പിന്റെ സ​മാ​ധാ​ന​ത്തി​നും സു​ര​ക്ഷ കാ​ര്യ​ങ്ങ​ൾക്കു​മു​ള്ള ദ​ക്ഷി​ണ കൊ​റി​യ​യു​ടെ പ്ര​ത്യേ​ക പ്ര​തി​നി​ധി നോ​ഹ് ക്യു-​ഡു​ക്ക്, ജപ്പാന്റെ ഏ​ഷ്യൻ, ​ സ​മു​​ദ്ര​കാ​ര്യ​ ഡ​യ​റ​ക്​​ട​ർ ജ​ന​റ​ൽ ത​കി​റോ ഫു​ണ​കൊ​ഷി എ​ന്നി​വ​ർ പങ്കെടുത്തു.

ഉ​ത്ത​ര കൊ​റി​യ​യു​മാ​യി ന​യ​ത​ന്ത്ര ച​ർച്ച​ക​ൾക്ക് മൂ​ന്ന്​ രാ​ജ്യ​ങ്ങ​ളും നേ​ര​ത്തെ​ വാ​തിൽ തു​റ​ന്നി​ട്ട​താ​യി​ ഉ​ത്ത​ര കൊ​റി​യ​യി​ലെ യു.​എ​സ്​ പ്ര​ത്യേ​ക പ്ര​തി​നി​ധി സുംഗ്​ കിം ​വ്യ​ക്ത​മാ​ക്കി. അ​മേ​രി​ക്ക​യു​ടെ​യും സ​ഖ്യ​രാ​ജ്യ​ങ്ങ​ളു​ടെ​യും സു​ര​ക്ഷ വ​ർദ്ധി​പ്പി​ക്കേ​ണ്ട​തിന്റെ ചർച്ച​ക​ൾ അ​നി​വാ​ര്യ​മാ​ണെ​ന്നും ചർച്ച​ക​ളിൽ പ​​ങ്കെ​ടു​ക്കാ​ൻ ഉ​ത്ത​ര കൊ​റി​യ ത​യാ​റാ​കു​മെ​ന്നാ​ണ്​ പ്ര​തീ​ക്ഷ​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.