ബ്രിട്ടൻ: ബ്രിട്ടനിലെ ഏറ്റവും പ്രായം കുറഞ്ഞ മുത്തച്ഛനും മുത്തശ്ശിയുമായിരിക്കുകയാണ് ജെന്നി മെഡ്‍ലാമും ഭർത്താവ് റിച്ചാഡും.ജെന്നിയുടെ 17കാരിയായ മകൾ ഷർമെയ്ൻ പെൺകുഞ്ഞിന് ജന്മം നൽകിയതോടെയാണ് 34കാരിയായ ജെന്നിയും 35കാരിയായ റിച്ചാഡും മുത്തച്ഛനും മുത്തശ്ശിയുമായത്.

ജൂണിലാണ് ഷർമെയ്ൻ പ്രസവിച്ചത്. ജെന്നിയുടെ ആദ്യ വിവാഹത്തിലുള്ള മകളാണ് ഷർമെയ്ൻ. ഷർമെയ്ന് അഞ്ച് വയസ്സുകള്ളപ്പോഴാണ് ജെന്നി റിച്ചാഡിനെ ജീവിതപങ്കാളിയാക്കുന്നത്.

കഴിഞ്ഞ വർഷമാണ് ഷർമെയ്ൻ താൻ ഒരു അമ്മയാകാൻ പോകുന്നു എന്ന വിവരം മാതാപിതാക്കളെ അറിയിച്ചത്. രണ്ട് വർഷമായി പ്രണയത്തിലായിരുന്നു ഷർമെയ്ൻ. ജെന്നിയാകട്ടെ ഷർമെയ്ന് പൂർണ പിന്തുണയും നൽകി.

കുഞ്ഞ് ഞങ്ങളുടേതാണെന്ന് പലരും തെറ്റിദ്ധരിക്കാറുണ്ട്. സത്യം പറഞ്ഞാൽ പോലും പലരും വിശ്വസിക്കാറില്ല. ‍ഞങ്ങൾ ഇപ്പോഴും മുപ്പതുകളിലാണല്ലോ - ജെന്നി പറയുന്നു. 12–ഉം 10–ഉം വയസ്സുള്ള രണ്ട് കുട്ടികൾ കൂടി ഇവർക്കുണ്ട്.