SignIn
Kerala Kaumudi Online
Thursday, 28 March 2024 5.46 PM IST

ഓസ്‌കാർ വേദി ഉണർന്നു, പ്രഖ്യാപനം തുടങ്ങി

jane

ലോസ്ആഞ്ചലസ് : കൊവിഡിന് മുമ്പത്തെ പ്രൗഢിയുമായി 94ാമത് ഓസ്കാർ മടങ്ങിയെത്തുമ്പോൾ എല്ലാ കണ്ണുകളും ന്യൂസിലൻഡ് ചലച്ചിത്രകാരി ജെയ്‌ൻ കാംപ്യൻ സംവിധാനം ചെയ്ത 'ദ പവർ ഒഫ് ദ ഡോഗി' ലേക്കാണ്. ഹോളിവുഡിലെ ഡോൾബി തിയേറ്ററിൽ ഇന്ന് പുലർച്ചെ 5.30മുതൽ ഓസ്‌കാർ പുരസ്‌കാരങ്ങൾ പ്രഖ്യാപിച്ചു തുടങ്ങും.

ഗോൾഡൻ ഗ്ലോബിലും ബാഫ്റ്റയിലും മികച്ച ചിത്രത്തിനും മികച്ച സംവിധാനത്തിനുമുള്ള പുരസ്കാരങ്ങൾ നേടിയ ചിത്രത്തിന് 12 ഓസ്കാർ നോമിനേഷനുകളുണ്ട്. ഡ്യൂൺ (10 ), വെസ്റ്റ് സൈഡ് സ്റ്റോറി (7) , ബെൽഫാസ്റ്റ് (7), കിംഗ് റിച്ചാർഡ് (6) എന്നിവയാണ് തൊട്ടുപിന്നിൽ.

രണ്ടു തവണ സംവിധാനത്തിന് നോമിനേഷൻ നേടുന്ന ആദ്യ വനിതയാണ് ജെയ്‌ൻ. 1993ൽ ദ പിയാനോ എന്ന ചിത്രത്തിനായിരുന്നു ആദ്യ നോമിനേഷൻ. സ്റ്റീവൻ സ്പീൽബർഗിന്റെ ഷിൻഡ്‌ലേഴ്സ് ലിസ്റ്റ് ആയിരുന്നു അത്തവണ ജേതാവ്. ഇത്തവണ ഓസ്കാർ നേടിയാൽ കാത്റിൻ ബിഗലോ, ക്ലോ ഷാവോ എന്നിവർക്ക് ശേഷം ഈ നേട്ടം കൈവരിക്കുന്ന മൂന്നാമത്തെ വനിതയാകും ജെയ്ൻ.

പോൾ തോമസ് ആൻഡേഴ്സൺ ( ലികോറൈസ് പിസ ), കെന്നത്ത് ബ്രാന ( ബെൽഫാസ്റ്റ് ), സ്റ്റീവൻ സ്പീൽബർഗ് ( വെസ്റ്റ് സൈഡ് സ്റ്റോറി ), റ്യൂസുകെ ഹാമഗുചി ( ഡ്രൈവ് മൈ കാർ ) എന്നിവരാണ് മികച്ച സംവിധായകരുടെ നോമിനേഷൻ പട്ടികയിലുള്ളത്.

മികച്ച ചിത്രത്തിന് കടുത്ത പോരാട്ടമാണ്. ദ പവർ ഒഫ് ദ ഡോഗിനെ കൂടാതെ, ബെൽഫാസ്റ്റ്, കോഡ, ഡോണ്ട് ലുക്ക് അപ്, ഡ്രൈവ് മൈ കാർ, ഡ്യൂൺ, കിംഗ് റിച്ചാർഡ്, ലികോറൈസ് പിസ, നൈറ്റ്മെ‌യർ അലെയ്, വെസ്റ്റ് സൈഡ് സ്റ്റോറി എന്നിവയാണ് മ ത്സരിക്കുന്നത്.

ജാവിയർ ബാർഡെം ( ബിയിംഗ് ദ റിക്കാർഡോസ് ), ബെനഡക്ട് കംബർബാച്ച് ( ദ പവർ ഒഫ് ദ ഡോഗ് ), ആൻഡ്രൂ ഗാർഫീൽഡ് ( ടിക്, ടിക്.... ബൂം! ), വിൽ സ്മിത്ത് ( കിംഗ് റിച്ചാർഡ് ), ഡെൻസെൽ വാഷിംഗ്ടൺ (ദ ട്രാജഡി ഒഫ് മാക്ബത്ത് ) എന്നിവരാണ് മികച്ച നടന്മാരുടെ നോമിനേഷൻ ലിസ്റ്റിലുള്ളത്.

ജസീക്ക ചാസ്റ്റൈൻ ( ദ ഐസ് ഒഫ് ടാമി ഫേയ് ), ഒലീവിയ കോൾമാൻ ( ദ ലോസ്റ്റ് ഡോട്ടർ ), പെനിലപ് ക്രൂസ് ( പാരലൽ മദേഴ്സ് ), നിക്കോൾ കിഡ്മാൻ ( ബിയിംഗ് ദ റെക്കാർഡോസ് ), ക്രിസ്റ്റൻ സ്റ്റുവാർട്ട് ( സ്പെൻസർ ) എന്നിവർ മികച്ച നടിക്കായി മത്സരിക്കുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, WORLD, WORLD NEWS, OSCAR
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.