ന്യൂയോർക്ക്: യുക്രെയിൻ വിഷയത്തിൽ റഷ്യയ്ക്കെതിരെ നടന്ന യു.എൻ വോട്ടെടുപ്പുകളിൽ നിന്ന് ഇന്ത്യ വിട്ടുനിൽക്കുന്നതിനെ ട്വിറ്ററിലൂടെ പരസ്യമായി വിമർശിച്ച ബ്രിട്ടനിലെ നെതർലൻഡ്സ് അംബാസഡർ കാറൽ വാൻ ഊസ്റ്റെറോമിന് ട്വിറ്ററിലൂടെ തന്നെ മറുപടിയുമായി ഇന്ത്യ.
' അംബാസഡർ, ദയവായി ഞങ്ങളുടെ രക്ഷാധികാരി ചമയേണ്ട, എന്ത് ചെയ്യണമെന്ന് ഞങ്ങൾക്കറിയാം " യു.എന്നിലെ ഇന്ത്യയുടെ സ്ഥിരം അംബാസഡർ ടി.എസ്. തിരുമൂർത്തി ട്വിറ്ററിൽ കുറിച്ചു. യു.എൻ ജനറൽ അസംബ്ലി വോട്ടെടുപ്പുകളിൽ നിന്ന് ഇന്ത്യ വിട്ടുനിൽക്കാൻ പാടില്ലായിരുന്നുവെന്നും യു.എൻ ചാർട്ടറിനെ ബഹുമാനിക്കണമെന്നുമായിരുന്നു കാറൽ ട്വീറ്റ് ചെയ്തത്.
ബുധനാഴ്ച യു.എൻ സെക്യൂരിറ്റി കൗൺസിലിൽ യുക്രെയിൻ വിഷയത്തിൽ നടത്തിയ പ്രസ്താവനയുടെ പൂർണരൂപം ടി.എസ്. തിരുമൂർത്തി ട്വിറ്ററിൽ പോസ്റ്റ് ചെയ്തതിന് പിന്നാലെയാണ് വിമർശനവുമായി കാറൽ എത്തിയത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |