മുഖ്യമന്ത്രിയുടെ പൈലറ്റ് വാഹനമിടിച്ച് പരിക്ക്
ചേലക്കര: മുഖ്യമന്ത്രിയുടെ പൈലറ്റ് വാഹനമിടിച്ച് ബൈക്ക് യാത്രികന് പരിക്കേറ്റു. ചെറുതുരുത്തി അത്തിക്കപറമ്പ് സ്വദേശി അബ്ദുൾ റഷീദിനാണ് പരിക്കേറ്റത്. പ്രധാന റോഡിൽ നിന്നും പൈലറ്റ് വാഹന വ്യൂഹം ചെറുതുരുത്തി ഗവ.ഹയർ സെക്കൻഡറി സ്കൂളിലേക്ക് തിരിയുന്നതിനിടെയാണ് ബൈക്കിലിടിച്ചത്. തെറിച്ചുവീണ യുവാവിനെ ഉടൻ ആശുപത്രിയിലെത്തിച്ച് നിസാര പരിക്കേറ്റ ഇയാളെ പ്രാഥമിക ശുശ്രൂഷകൾക്ക് ശേഷം വിട്ടയച്ചു.
കൊച്ചി മെട്രോ രണ്ടാംഘട്ടത്തിന് 379കോടി നൽകി
തിരുവനന്തപുരം: കൊച്ചി മെട്രോയുടെ രണ്ടാംഘട്ടമായ പിങ്ക് ലൈനിന് 378.57 കോടി രൂപ അനുവദിച്ചു.ജവഹർലാൽ നെഹ്റു സ്റ്റേഡിയം മുതൽ ഇൻഫോ പാർക്ക് വഴി കാക്കനാടുവരെ 11.8 കിലോമീറ്ററാണ് രണ്ടാംഘട്ടം.പദ്ധതിയുടെ പുതുക്കിയ അടങ്കലിന് ഭരണാനുമതി നൽകുന്നതിനാണിതെന്ന് ധനമന്ത്രി കെ.എൻ.ബാലഗോപാൽ അറിയിച്ചു. 20 മാസമാണ് നിർമ്മാണകാലവധി.2025 നവംബറോടെ സർവ്വീസ് തുടങ്ങാനാകുമെന്നാണ് പ്രതീക്ഷ.
നവകേരള സദസ്:
സർക്കാരിനെതിരായ
ഹർജി ഫയലിൽ
കൊച്ചി: നവകേരള സദസിന് ഫണ്ട് കണ്ടെത്താൻ ജില്ലാ കളക്ടർമാരെ ചുമതലപ്പെടുത്തിയ സർക്കാർ ഉത്തരവ് റദ്ദാക്കണമെന്ന ഹർജി ഹൈക്കോടതി ഫയലിൽ സ്വീകരിച്ചു. ഉത്തരവ് ഭരണഘടനാ വിരുദ്ധമാണെന്നും തുടർന്നുള്ള പരിപാടികളിൽ നിന്ന് വിട്ടു നില്ക്കാൻ സിവിൽ സർവീസ് ഉദ്യോഗസ്ഥർക്ക് നിർദേശം നല്കണമെന്നുമാവശ്യപ്പെട്ട് പൊതുപ്രവർത്തകൻ പത്തനംതിട്ട മലയാലപ്പുഴ സ്വദേശി ജോളിമോൻ കാലായിൽ നല്കിയ ഹർജി നാളെ പരിഗണിക്കും.
കൊച്ചി മെട്രോ രണ്ടാംഘട്ടത്തിന് 379കോടി നൽകി
തിരുവനന്തപുരം: കൊച്ചി മെട്രോയുടെ രണ്ടാംഘട്ടമായ പിങ്ക് ലൈനിന് 378.57 കോടി രൂപ അനുവദിച്ചു.ജവഹർലാൽ നെഹ്റു സ്റ്റേഡിയം മുതൽ ഇൻഫോ പാർക്ക് വഴി കാക്കനാടുവരെ 11.8 കിലോമീറ്ററാണ് രണ്ടാംഘട്ടം.പദ്ധതിയുടെ പുതുക്കിയ അടങ്കലിന് ഭരണാനുമതി നൽകുന്നതിനാണിതെന്ന് ധനമന്ത്രി കെ.എൻ.ബാലഗോപാൽ അറിയിച്ചു. 20 മാസമാണ് നിർമ്മാണകാലവധി.2025 നവംബറോടെ സർവ്വീസ് തുടങ്ങാനാകുമെന്നാണ് പ്രതീക്ഷ.