ടിപ്പർ ലോറി മറിഞ്ഞ് ഡീസൽ റോഡിലൊഴുകി
രാമനാട്ടുകര:പാറപ്പൊടി കയറ്റി വന്ന ടിപ്പർ ലോറി മറിഞ്ഞ് ഡീസൽ റോഡിലൊഴുകി. ഇന്നലെ രാവിലെ 10.30 നു ചെറുകാവ് ഐക്കരപ്പടി എയർപോർട്ട് റോഡിൽ എസ്.ബി.ഐ ബ്രാഞ്ചിന് സമീപത്താണ് അപകടം നടന്നത് .മീഞ്ചന്ത അഗ്നി രക്ഷാ നിലയത്തിലെ സേനാംഗങ്ങൾ ജെ.സി. ബി കൊണ്ടുവന്ന് പാറപ്പൊടി മറ്റൊരു ടിപ്പറിൽ കയറ്റി ക്രെയിൻ ഉപയോഗിച്ച് മറിഞ്ഞ ടിപ്പർ ലോറിയെ വലിച്ചുയർത്തി നേരെ നിർത്തി റോഡിനു വശത്തേക്ക് മാറ്റി. അതിനു ശേഷം റോഡിൽ പരന്ന ഡീസൽ സോപ്പുപൊടി വിതറി വെള്ളമടിച്ച് വൃത്തിയാക്കി അപകടമൊഴിവാക്കി . മീഞ്ചന്ത അഗ്നി രക്ഷാ നിലയത്തിൽ നിന്നെത്തിയ ഗ്രേഡ് അസിസ്റ്റന്റ് സ്റ്റേഷൻ ഓഫീസർ ഡബ്ള്യൂ യു . സനലിന്റെ നേതൃത്വത്തിൽ സേനാംഗങ്ങളായ ബിനീഷ്.എൻ, അബ്ദുൽ കരീം.ടി , ഉണ്ണികൃഷ്ണൻ.ടി.ടി, വുമൺ ഫയർ ആൻഡ് റെസ്ക്യൂ ഓഫീസർമാരായ ലിൻസി.ബി , ഐശ്വര്യ.കെ ഹോംഗാർഡ് സത്യൻ.കെ എന്നിവർ പ്രവർത്തനത്തിൽ പങ്കെടുത്തു.