കേരള സർവകലാശാല പരീക്ഷാഫലം
നാലാം സെമസ്റ്റർ ബി.എ ഇംഗ്ലീഷ് ആൻഡ് മലയാളം ലിറ്ററേച്ചർ, ബി.എ ഇക്കണോമിക്സ് ആൻഡ് മാത്തമാറ്റിക്സ്, ബി.എസ്സി, ബികോം ന്യൂജനറേഷൻ ഡബിൾ മെയിൻ പരീക്ഷാഫലം പ്രസിദ്ധീകരിച്ചു.
ആറാം സെമസ്റ്റർ സി.ബി.സി.എസ്.എസ്. ബികോം പരീക്ഷയുടെ പ്രാക്ടിക്കൽ പരീക്ഷകൾ വിവിധ കോളേജുകളിൽ പുനഃക്രമീകരിച്ചു.
ആറാം സെമസ്റ്റർ സി.ബി.സി.എസ്.എസ്. ബി.എസ്സി പരീക്ഷയുടെ കെമിസ്ട്രി, ജിയോളജി,ഹോം സയൻസ് പ്രാക്ടിക്കൽ/ പ്രോജക്ട്/ വൈവവോസി പരീക്ഷകൾ 14 മുതൽ വിവിധ കോളേജുകളിൽ ആരംഭിക്കും.
കോളേജ് മാറ്റത്തിന്
ഒന്നാം സെമസ്റ്റർ ബിരുദാനന്തര ബിരുദ വിദ്യാർത്ഥികൾക്ക് രണ്ടാം സെമസ്റ്ററിലേക്ക് കോളേജ് മാറ്റത്തിന് അപേക്ഷിക്കാം. ഒന്നാം സെമസ്റ്റർ പരീക്ഷയ്ക്ക് രജിസ്റ്റർ ചെയ്തിരിക്കണം. കോളേജ് മാറ്റം ഗവൺമെന്റ്/ എയ്ഡഡ്കോളേജുകൾ തമ്മിലും സ്വാശ്രയ കോളേജുകൾ തമ്മിലും അനുവദിക്കും. പൂരിപ്പിച്ച അപേക്ഷയോടൊപ്പം ബിരുദ പരീക്ഷകളുടെ മാർക്ക് ലിസ്റ്റ് സഹിതം പഠിക്കുന്ന കോളേജിലെയും ചേരാൻ ഉദ്ദേശിക്കുന്ന കോളേജിലെയും പ്രിൻസിപ്പൽമാരുടെ ശുപാർശയോടെ 1050 രൂപ ഫീസടച്ച് 25 നകം സർവകലാശാല രജിസ്ട്രാർക്ക് തപാലിൽ അയയ്ക്കണം. തിരഞ്ഞെടുക്കപ്പെട്ടാൽ 1575 രൂപ കൂടി അടയ്ക്കണം. വിവരങ്ങൾ വെബ്സൈറ്റിൽ.
കാലിക്കറ്റ് സർവകലാശാലപരീക്ഷാഫലം
എസ്.ഡി.ഇ അവസാന വർഷ എം.എസ്സി മാത്തമാറ്റിക്സ് (2017 പ്രവേശനം) സെപ്തംബർ 2022 ഒറ്റത്തവണ റഗുലർ സപ്ലിമെന്ററി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിന് 17 വരെ അപേക്ഷിക്കാം.
പുനർമൂല്യനിർണയ ഫലം
എസ്.ഡി.ഇ നാലാം സെമസ്റ്റർ എം.എസ്സി മാത്തമാറ്റിക്സ് ഏപ്രിൽ 2023 പരീക്ഷയുടെ പുനർമൂല്യനിർണയ ഫലം പ്രസിദ്ധീകരിച്ചു.
എം.ജി സർവകലാശാല വാർത്തകൾ
പരീക്ഷാ തീയതി
രണ്ടാം സെമസ്റ്റർ ബി.എച്ച്.എം (2023 അഡ്മിഷൻ റഗുലർ, 2022 അഡ്മിഷൻ ഇംപ്രൂവ്മെന്റ്, 2022, 2021, 2020 അഡ്മിഷനുകൾ സപ്ലിമെന്ററിപുതിയ സ്കീം) പരീക്ഷികൾ 16 ന് ആരംഭിക്കും.
പ്രാക്ടിക്കൽ
നാലാം സെമസ്റ്റർ ബി.എഡ് സ്പെഷ്യൽ എജ്യുക്കേഷൻ ലേണിംഗ് ഡിസെബിലിറ്റി ആൻഡ് ഇന്റലക്ച്വൽ ഡിസെബിലിറ്റി (2022 അഡ്മിഷൻ റഗുലർ) പ്രാക്ടിക്കൽ പരീക്ഷ നാളെ മുതൽ നടക്കും.
ഒന്നാം സെമസ്റ്റർ എം.എഡ് സ്പെഷ്യൽ എജ്യുക്കേഷൻ ഇന്റലക്ച്വൽ ഡിസെബിലിറ്റി (2023 അഡ്മിഷൻ റഗുലർ മേയ് 2024) പരീക്ഷയുടെ പ്രാക്ടിക്കൽ പരീക്ഷ 9 ന് മൂവാറ്റുപുഴ നിർമല സദൻ ട്രെയിനിംഗ് കോളേജ് ഫോർ സ്പെഷ്യൽ എജ്യുക്കേഷനിൽ നടക്കും.
നാലാം സെമസ്റ്റർ ഇന്റഗ്രേറ്റഡ് എം.എസ് സി ഇൻ ബേസിക് സയൻസ് : ഫിസിക്സ്, കെമിസ്ട്രി കോംപ്ലിമെന്ററി(2021 അഡ്മിഷൻ റഗുലർ, 2020 അഡ്മിഷൻ ഇംപ്രൂവ്മെന്റ്, സപ്ലിമെന്ററി മാർച്ച് 2024) പരീക്ഷയുടെ പ്രാക്ടിക്കൽ പരീക്ഷ 13ന് പെരുമ്പാവൂർ മാർത്തോമ കോളേജ് ഫോർ വിമനിൽ നടക്കും.