മണികയ്ക്ക് ചരിത്രനേട്ടം
Wednesday 15 May 2024 5:37 AM IST
ന്യൂഡൽഹി: ടേബിൾ ടെന്നിസിലെ ഇന്ത്യൻ വനിതാ സെൻസേഷൻ മനിക ബത്രയ്ക്ക് റാങ്കിംഗിൽ ചരിത്ര നേട്ടം. വനിതാ സിംഗിൾസ് റാങ്കിംഗിൽ 24-ാം സ്ഥാനത്തെത്തിയ മനിക ടി ടിയിൽ വനിതാ സിംഗിൾസിൽ ആദ്യ 25 റാങ്കിനുള്ളിൽ എത്തുന്ന ആദ്യ ഇന്ത്യൻ വനിതാ താരമെന്ന നേട്ടം സ്വന്തമാക്കി.
നേരത്തേ 39-ാം റാങ്കിലായിരുന്ന മനിക പുതിയ റാങ്കിംഗിൽ 15 സ്ഥാനം മുകളിലോട്ട് കയറി 24ൽ എത്തുകയായിരുന്നു. പുരുഷ സിംഗിൾസിൽ ജി. സത്യനും 2019ൽ 24-ാം റാങ്കിൽ എത്തിയിട്ടുണ്ട്.