വേനൽ മഴ: 11 കോടിയുടെ കൃഷിനാശം

തിരുവനന്തപുരം:ശക്തമായ വേനൽ മഴയിൽ തലസ്ഥാന ജില്ലയിൽ ഇതുവരെയുണ്ടായത് 11 കോടിയുടെ കൃഷിനാശം.ഏപ്രിൽ 30 മുതൽ മേയ് 21 വരെയുള്ള കണക്ക് അനുസരിച്ച് 11,​ 339,​ 8000 രൂപയുടെ നഷ്ടമാണ് ഉണ്ടായത്. നെയ്യാറ്രിൻകര താലൂക്കിലെ ആര്യങ്കോട് ബ്ലോക്കിലാണ് ഏറ്റവും കൂടുതൽ നാശമുണ്ടായത്. 5.7 കോടിയുടെ നഷ്ടമാണ് ഇവിടെയുണ്ടായത്. ആകെ 1789 കർഷകരുടെ 605.94 ഹെക്ടർ കൃഷി കനത്ത മഴയിൽ നശിച്ചു.വാഴ,​റബ്ബർ,​വെറ്റില,കപ്പ,​പച്ചക്കറികൾ എന്നിവയാണ് പ്രധാനമായും നശിച്ചത്.

കൃഷിനാശം ഇങ്ങനെ

വാഴ (കുലച്ച​ത്)​ - 1,56,180

വാഴ (കുലയ്ക്കാത്തത്)​ - 4,84,20

റബ്ബർ - 20,

വെറ്റില - 0.200 ഹെക്ടർ,

കപ്പ - 8.800 ഹെക്ടർ,

പച്ചക്കറി (പന്തലുള്ളത്) - 1.700 ഹെക്ടർ

പച്ചക്കറി (പന്തലില്ലാത്തത്) - 1 ഹെക്ടർ

 രണ്ട് ദുരിതാശ്വാസ ക്യാമ്പുകൾ

ജില്ലയിൽ രണ്ട് ദുരിതാശ്വാസ ക്യാമ്പുകൾ തുറന്നു.നെയ്യാറ്റിൻകര താലൂക്കിൽ ആരംഭിച്ച രണ്ട് ക്യാമ്പുകളിലായി ആറ് കുടുംബങ്ങളാണ് കഴിയുന്നത്.കുളത്തൂർ യുപി സ്‌കൂളിൽ മാർച്ച് 31ന് ആരംഭിച്ച ക്യാമ്പിൽ രണ്ട് കുടുംബങ്ങളും (ആകെ 4 പേർ) കോട്ടുകാൽ സെന്റ് ജോസഫ് സ്‌കൂളിൽ 20ന് ന് ആരംഭിച്ച ക്യാമ്പിൽ നാല് കുടുംബങ്ങളുമാണ് (ആകെ 7 പേർ) കഴിയുന്നത്.ശക്തമായ മഴയെ തുടർന്ന് ജില്ലയിൽ ആറ് വീടുകൾക്ക് ഭാഗികമായി കേടുപാടുകളുണ്ടായി.