കത്ത് വിവാദത്തിൽ പുകഞ്ഞ് പാലക്കാട്

പാലക്കാട്: മണ്ഡലത്തിൽ എൽ.ഡി.എഫിനേയും കോൺഗ്രസിനേയും ഒരു പോലെ പ്രതിസന്ധിയിലാക്കിയിരിക്കുകയാണ് കത്ത് വിവാദം. സ്ഥാനാർത്ഥി നിർണയത്തിനായി ഡി.സി.സി നേതൃത്വം ഹൈക്കമാൻഡിന് നൽകിയ കത്തും, എൽ.ഡി.എഫിനെതിരേ ബി.ജെ.പി നേതാവ് സന്ദീപ് വാര്യർ പുറത്തു വിട്ട കത്തുമാണ് ഇരുപാർട്ടികളെയും വെട്ടിലാക്കിയത്.

പാലക്കാട് ഉപതിരഞ്ഞെടുപ്പിൽ കെ.മുരളീധരനെ സ്ഥാനാർത്ഥിയാക്കണമെന്നാണ് ഡി.സി.സി പ്രസിഡന്റ് ഹൈക്കമാൻഡിന് നൽകിയ കത്തിൽ പറയുന്നത്. രാഹുൽ മാങ്കൂട്ടത്തിലിനെ സ്ഥാനാർത്ഥിയായി പ്രഖ്യാപിക്കുന്നതിന് മുമ്പ് എ.ഐ.സി.സി നേതൃത്വത്തിന് നൽകിയ കത്താണിത്. ഇതോടെ യു.ഡി.എഫ് ക്യാമ്പ് പ്രതിരോധത്തിലായി. കത്ത് പുറത്തുവന്നതിന് പിന്നിൽ ആസൂത്രിത നീക്കം ഉണ്ടെന്നാണ് നേതൃത്വം സംശയിക്കുന്നത്.

രാഹുലിനെ സ്ഥാനാർത്ഥിയാക്കാൻ പ്രതിപക്ഷ നേതാവും ഷാഫി പറമ്പിൽ എം.പിയുമടങ്ങുന്ന കോക്കസ് പ്രവർത്തിച്ചുവെന്ന ആരോപണം നേരത്തെ ഉയർന്നിരുന്നു. കോൺഗ്രസ് വിട്ട പി.സരിനും എ.കെ.ഷാനിബുമടക്കം ഇക്കാര്യങ്ങൾ ആരോപിച്ചിരുന്നു.

ലെറ്റർ ബോംബ് നിർവീര്യമായെന്നും കത്ത് പുറത്ത് വന്നത് തന്റെ വിജയം തടയില്ലെന്നും രാഹുൽ മാങ്കൂട്ടത്തിൽ പ്രതികരിച്ചു. യു.ഡി.എഫ് ക്യാമ്പിന് കത്ത് യാതൊരു വിധത്തിലുള്ള അലോസരവും ഉണ്ടാക്കുന്നില്ല. അതേസമയം, കത്തിൽ ഇനി ചർച്ചയൊന്നും വേണ്ടെന്നാണ് കെ.മുരളീധരൻ വ്യക്തമാക്കിയത്. സ്ഥാനാർത്ഥി പ്രഖ്യാപനം കഴിഞ്ഞാൽ മറ്റെല്ലാം അപ്രസക്തമാണ് എന്നായിരുന്നു ഡി.സി.സി പ്രസിഡന്റിന്റെ പ്രതികരണം.

കത്ത് സി.പി.എമ്മിന്റെ സൃഷ്ടിയാണെന്ന് വിശദീകരിച്ച് കോൺഗ്രസ് നേതൃത്വം രംഗത്തെത്തിയിട്ടുണ്ട്. കത്ത് സി.പി.എം ഉണ്ടാക്കിയതാണെന്നും കത്തിൽ ഡി.സി.സി പ്രസിഡന്റിന്റെ ഒപ്പില്ലെന്നും കേരളത്തിന്റെ ചുമതലയുള്ള ജനറൽ സെക്രട്ടറി ദീപാദാസ് മുൻഷി പ്രതികരിച്ചു.

ആയുധമാക്കി സി.പി.എം

കത്ത് വിഷയം സി.പി.എമ്മും ഏറ്റെടുത്തു. കെ.മുരളീധരനെ സ്ഥാനാർഥിയാക്കാത്തതിനു പിന്നിൽ വി.ഡി.സതീശനാണെന്ന് സി.പി.എം സംസ്ഥാന സെക്രട്ടറി എം.വി.ഗോവിന്ദൻ ആരോപിച്ചു. ഷാഫി പറമ്പിലും വി.ഡി.സതീശനും ചേർന്നാണ് ഡി.സി.സിയുടെ ആവശ്യം തള്ളിയതെന്നും അദ്ദേഹം ആരോപിച്ചു.ബി.ജെ.പിക്ക് വേണ്ടി കോൺഗ്രസ് താത്പര്യങ്ങൾ ചിലർ ബലികഴിച്ചുവെന്ന് മന്ത്രി എം.ബി.രാജേഷ് ആരോപിച്ചു.

ക​ത്ത് ​പു​റ​ത്തു​വ​ന്ന​ ​വി​ഷ​യം​ ​ഗൗ​ര​വ​മാ​യെ​ടു​ത്ത് ​അ​ന്വേ​ഷ​ണം​ ​ന​ട​ത്തി​ ​അ​ത​നു​സ​രി​ച്ചു​ള്ള​ ​ന​ട​പ​ടി​യു​ണ്ടാ​കം.​സ്ഥാ​നാ​ർ​ത്ഥി​ ​പ്ര​ഖ്യാ​പ​ന​ത്തി​ന് ​മു​മ്പാ​യി​ ​പ​ല​ ​അ​ഭി​പ്രാ​യ​ങ്ങ​ളും​ ​ഉ​യ​ർ​ന്നു​വ​രും.​അ​തെ​ല്ലാം​ ​വി​ല​യി​രു​ത്തി​യാ​ണ് ​നേ​തൃ​ത്വം​ ​തീ​രു​മാ​നം​ ​എ​ടു​ക്കു​ന്ന​ത്.​ ​

-കെ.​ ​സു​ധാ​ക​രൻ,കെ.​പി.​സി.​സി​ ​പ്ര​സി​ഡ​ന്റ്

കെ.​ ​മു​ര​ളീ​ധ​ര​ന്റെ​ ​പേ​രു​ ​നി​ർ​ദ്ദേ​ശി​ച്ച് ​ഡി.​സി.​സി​ ​ക​ത്ത് ​കൊ​ടു​ത്തി​ട്ടു​ണ്ടെ​ങ്കി​ൽ​ ​തെ​റ്റൊ​ന്നു​മി​ല്ല.ക​ത്തു​ണ്ടോ​ ​ഇ​ല്ല​യോ​ ​എ​ന്ന് ​ത​നി​ക്ക​റി​യി​ല്ല.​ ​കെ.​മു​ര​ളീ​ധ​ര​ൻ​ ​ഉ​ൾ​പ്പെ​ടെ​ ​യു.​ഡി.​എ​ഫ് ​ഒ​റ്റ​ക്കെ​ട്ടാ​യി​ ​പ്ര​ചാ​ര​ണ​ത്തി​ലാ​ണ്.​ ​ -ര​മേ​ശ് ​ചെ​ന്നി​ത്ത​ല കോ​ൺ​ഗ്ര​സ് ​നേ​താ​വ് ​