ഏനാത്ത് മേഖലയിൽ മാലിന്യം രൂക്ഷം

ഏനാത്ത് : മാലിന്യം മൂലം വഴി നടക്കാനാവാത്ത സ്ഥിതിയിലായി ഏനാത്ത് പ്രദേശം. ദുർഗന്ധം രൂക്ഷമാണ്. പബ്ലിക് മാർക്കറ്റിലാണ് മാലിന്യമേറെ. നഗരത്തോട് ചേർന്നുള്ള വയലുകളിൽ മാലിന്യം കലർന്ന വെള്ളം കെട്ടിക്കിടക്കുകയാണ്. കല്ലടയാറിന്റെ തീരത്ത് ഏനാത്ത് കടവിന് സമീപവും വ്യാപക മാലിന്യ നിക്ഷേപമാണുള്ളത്. ഏനാത്ത് - മണ്ണടി റോഡിൽ നിന്ന് എം,സി റോഡിലേക്കുള്ള ഉപ റോഡിൽ പൊതുസ്ഥലത്തും മാലിന്യം തള്ളുന്നുണ്ട്. പ്രദേശവാസികൾ പരാതിനൽകിയിട്ടും പഞ്ചായത്ത്‌ അധികൃതർ നടപടി സ്വീകരിക്കുന്നില്ല. നിരീക്ഷണ ക്യാമറകൾ സ്ഥാപിക്കുമെന്ന് പഞ്ചായത്ത്‌ അധികൃതർ പറഞ്ഞെങ്കിലും നടപടിയില്ല.