വെറും 1299 രൂപയ്‌ക്ക് വിമാനയാത്ര, കോളടിച്ചത് പ്രവാസികൾക്ക്; എത്രയും വേഗം ടിക്കറ്റ് ബുക്ക് ചെയ്യൂ
കൊച്ചി: എയർ ഇന്ത്യ എക്സ്പ്രസ് ഫ്ലാഷ് സെയിൽ ആരംഭിച്ചു. ആഭ്യന്തര അന്തർദേശീയ സർവീസുകളിലെല്ലാം ഈ ഓഫർ ലഭ്യമാകും. ഇതുപ്രകാരം ആഭ്യന്തരയാത്രയ്‌ക്ക് 1299 രൂപ മുതൽ ടിക്കറ്റുകൾ ലഭിക്കും. എക്സ്പ്രസ് വാല്യു നിരക്കുകൾ 1499 രൂപ മുതൽ ആരംഭിക്കും. അന്താരാഷ്ട്ര ടിക്കറ്റ് നിരക്കുകൾ 4340 രൂപയ്‌ക്കാണ് ആരംഭിക്കുക. airindiaexpress.com എന്ന വെബ്‌സൈറ്റ് വഴിയോ എയർലൈനിന്റെ മൊബൈൽ ആപ്പ് വഴിയോ മറ്റ് ബുക്കിംഗ് പ്ലാറ്റ്‌ഫോമുകൾ വഴിയോ ഈ നിരക്കിൽ നിങ്ങൾക്ക് വിമാനടിക്കറ്റുകൾ ബുക്ക് ചെയ്യാം.
2025 സെപ്‌തംബർ 21 വരെ ആഭ്യന്തര, അന്തർദേശീയ വിമാനയാത്ര ചെയ്യുന്നതിനായാണ് ടിക്കറ്റുകൾ ബുക്ക് ചെയ്യാൻ കഴിയുക. ജൂലായ് 18 വരെ മാത്രമേ ടിക്കറ്റ് ബുക്ക് ചെയ്യാൻ അവസരമുണ്ടാകുകയുള്ളു. കൺവീനിയൻസ് ഫീ ഇല്ലാതെയാണ് ഓഫർ ലഭിക്കുക. ഇത് വളരെ പരിമിതമായ ഓഫറാണ്. ആദ്യം ബുക്ക് ചെയ്യുന്നവർക്കാകും മുൻഗണന. സീറ്റുകളെല്ലാം ബുക്ക് ചെയ്‌തുകഴിഞ്ഞാൽ ബാക്കിയുള്ള യാത്രക്കാർക്ക് പതിവ് നിരക്കുകളും വ്യവസ്ഥകളും ബാധകമാകുമെന്ന് എയർലൈൻ വ്യക്തമാക്കിയിട്ടുണ്ട്.
ഇതുകൂടാതെ, എയർഇന്ത്യ എക്സ്പ്രസിന്റെ വെബ്‌സൈറ്റ് വഴി ബുക്ക് ചെയ്യുന്ന ഉപഭോക്താക്കൾക്ക് പ്രത്യേക കിഴിവുകളോടെ സീറോ ചെക്ക് - ഇൻ ബാഗേജ് എക്സ്പ്രസ് ലൈറ്റ് നിരക്കുകൾ പോലുള്ള പ്രത്യേക ആനുകൂല്യങ്ങൾ ആസ്വദിക്കാനാകും. ആഭ്യന്തര വിമാനങ്ങളിൽ 15 കിലോയ്ക്ക് 1000 രൂപയും അന്താരാഷ്ട്ര വിമാനങ്ങളിൽ 20 കിലോയ്ക്ക് 1300 രൂപയും ആരംഭിക്കുന്ന ചെക്ക് - ഇൻ ബാഗേജിന് മൂന്ന് കിലോ അധിക ക്യാബിൻ ബാഗേജ് മുൻകൂട്ടി ബുക്ക് ചെയ്യാനുള്ള ഓപ്ഷനും നിരക്കിൽ ഉൾപ്പെടുന്നുണ്ട്.