ആദ്യ ചിത്രത്തിലൂടെ ദേശീയ പുരസ്കാരം,​ സൂപ്പർഹിറ്റ് ചിത്രങ്ങളിൽ നായിക,​ വ്യഭിചാര കുറ്റത്തിന് അറസ്റ്റിലായത് ജീവിതം മാറ്റി

ആദ്യസിനിമ തന്നെ വൻവിജയം. കൂടാതെ മികച്ച ബാലതാരത്തിനുള്ള ദേശീയ പുരസ്കാരവും. ആരും കൊതിക്കുന്ന വിസ്മയ തുടക്കമാണ് നടി ശ്വേതാ ബസു പ്രസാദിന് ലഭിച്ചത്. 2005ൽ പുറത്തിറങ്ങിയ ഇഖ്ബാലിലും ബാലതാരമായി അഭിനയിച്ച ശ്വേത 2008ൽ കോത ബംഗാരു എന്ന ചിത്രത്തിലൂടെയാണ് തെലുങ്ക് സിനിമയിൽ അരങ്ങേറിയത്. രാ രാ എന്ന ചിത്രത്തിലൂടെ 2010ൽ തമിഴിലും ശ്വേത അഭിനയിച്ചു.

17ാം വയസിൽ തന്നെ താരറാണിയായ മാറിയ ശ്വേതയുടെ കാസ്കോ,​ റെയ്ഡ്,​ കലാവർ കിംഗ് തുടങ്ങിയ ചിത്രങ്ങളും പുറത്തു വന്നു. ഇതിൽ റെയ്ഡ് വൻവിജയം നേടി.

സിനിമയിൽ തിളങ്ങിനിൽക്കുമ്പോഴാണ് 2014ൽ ശ്വേത അറസ്റ്രിലാകുന്നത്. വ്യഭിചാര കുറ്റത്തിന് ഹോട്ടലിൽ നിന്ന് ശ്വേതയെ പൊലീസ് പിടികൂടുകയായിരുന്നു. രണ്ട് മാസം തടവ് ശിക്ഷ അനുഭവിച്ച ശേഷം 2014 ഡിസംബറിൽ കുറ്റവിമുക്തയായി. എന്നാൽ പഴയ താരപ്രഭയിലേക്ക് തിരിച്ചുവരാൻ പിന്നീട് ശ്വേതയ്ക്ക് കഴിഞ്ഞില്ല . പല സിനിമകളിലേക്കും പിന്നീട് ഓഫറുകൾ വന്നെങ്കിലും ചിത്രങ്ങൾ വിജയം നേടിയില്ല. പിന്നീട് 2017ൽ ധർമ്മ പ്രൊഡക്ഷൻസിന്റെ ബദരീനാഥ് കി ദുൽഹാനിയ എന്ന ഹിന്ദി ചിത്രത്തിൽ അഭിനയിച്ചു.

സസ്‌പെൻസ് ഡ്രാമ ത്രില്ലറായ ദി താഷ്‌കന്റ് ഫയൽസിലും (2019) കേന്ദ്ര കഥാപാത്രമാത്തെ അവതരിപ്പിച്ചു.

2020 ൽ സീരിയസ് മെൻ. കോമഡി കപ്പിൾ, ഹൈ[, 2020 ൽ റേ , ജാമുൻ (2021), ക്രിമിനൽ ജസ്റ്റിസ്: അധുര സച്ച് (സീസൺ 3, 2022), ജൂബിലി (2023) എന്നീ സീരിസുകളും ശ്വേതയുടേതായി പുറത്തിറങ്ങി. റീടേക്ക് എന്ന ഷോർട്ട് ഫിലിമിലൂടെ അവർ സംവിധായികയായും അരങ്ങേറ്റം കുറിച്ചു. അനുപം ഖേർ നായകനായ ചിത്രം , 2023 മേയ് മാസത്തിൽ ന്യൂയോർക്ക് ഇന്ത്യൻ ഫിലിം ഫെസ്റ്റിവലിൽ ഷോർട്ട് ഫിലിം വിഭാഗത്തിൽ പ്രദർശിപ്പിച്ചു. 34കാരിയായ ശ്വേത 2018ൽ വിവാഹം ചെയ്തുവെങ്കിലും തൊട്ടടുത്ത വർഷം വിവാഹമോചനം നേടിയിരുന്നു

ഇൻസ്റ്റഗ്രാമിൽ ഏഴു ലക്ഷത്തോളം ഫോളോവേഴ്‌സ് ശ്വേതയ്ക്കുണ്ട്. പാൻ-ഇന്ത്യൻ ചിത്രങ്ങൾ വെന്നിക്കൊടി പാറിക്കുന്ന സിനിമാ ലോകത്തേക്ക് ശ്വേതയ്ക്ക് അതിശക്തമായി തിരിച്ചുവരാൻ കഴിയും എന്നാണ് കരുതുന്നത്.