'ജോലിയിൽ ഈ വാക്ക് പറയാൻ ആരെയും അനുവദിക്കില്ല', കാരണം വ്യക്തമാക്കി കല്യാണി പ്രിയദർശൻ

ദുൽഖർ സൽമാൻ നിർമ്മിച്ച ചാപ്റ്റർ 1- ചന്ദ്ര ലോകമെമ്പാടുമായി 300 കോടി രൂപ കളക്ഷനോടെ വൻ വിജയം നേടിയ ചിത്രമായിരുന്നു. കല്യാണി പ്രിയദർശൻ ആയിരുന്നു ചിത്രത്തിലെ പ്രധാന കഥാപാത്രമായി അഭിനയിച്ചത്. ഇപ്പോഴിതാ പിതാവായ പ്രിയദർശനിൽ നിന്ന് പഠിച്ച പാഠങ്ങളെക്കുറിച്ച് സംസാരിക്കുകയാണ് കല്യാണി.

'ജോലിയോടുള്ള ആത്മാർത്ഥത വളരെ കൂടുതലുള്ളയാളാണ് അദ്ദേഹം. ഞാൻ കുട്ടിയായിരിക്കുമ്പോൾ മുതൽ അദ്ദേഹം ജോലി ചെയ്യുന്നത് കാണുന്നുണ്ട്. ആത്മാർത്ഥതയോടെയാണ് ഓരോ സിനിമയും അദ്ദേഹം ചെയ്യുന്നത്. ഇപ്പോൾ അദ്ദേഹത്തിന് പ്രായമായി. എന്നാൽ അതൊന്നും ശ്രദ്ധിക്കാതെയാണ് മണിക്കൂറുകളോളം ഷൂട്ട് ചെയ്യുന്നത്. എന്നോടൊപ്പം ജോലി ചെയ്യുന്നവരെക്കൊണ്ട് ഒരിക്കലും ജോലിയിൽ തനിക്ക് മടിയുണ്ടെന്ന് പറയാൻ അനുവദിക്കില്ല. കാരണം ഏത് സാഹചര്യത്തിലും ജോലി ആത്മാർത്ഥതയോ‌ടെയും ഒരു മടിയുമില്ലാതെ ചെയ്ത പിതാവിനെയാണ് താൻ പിന്തുടരുന്നതെന്നും . കല്യാണി പ്രിയദർശൻ പറ‌ഞ്ഞു.

'നൂറു ഡിഗ്രി പനിയുള്ളപ്പോഴും, സൂപ്പർ ചൂടുള്ള ചായ കുടിച്ച്, വിറച്ചു കൊണ്ട്, മൈക്ക് പിടിച്ച്, ഇപ്പോഴും 'ആക്ഷൻ' പറയുന്ന അച്ഛനെ ഞാൻ കണ്ടിട്ടുണ്ട്. രാത്രി 10:30ന് പോലും സെറ്റിൽ കാര്യങ്ങൾ മനസിലാക്കാൻ ശ്രമിക്കുന്നതും ഷൂട്ട് ചെയ്യുന്നതുമാണ് ഞാൻ കണ്ടിട്ടുള്ളത്. അതുകൊണ്ടാണ് ജോലിയോടുള്ള ആത്മാർത്ഥ പിതാവിൽ നിന്ന് തന്റെയും ഭാഗമായതെന്ന് നടി പറഞ്ഞു. അതേസമയം പ്രിയദർശന്റെ ഏറ്റവും പുതിയ ചിത്രം ഭൂത് ബംഗ്ലയാണ്. അക്ഷയ് കുമാർ, പരേഷ് റാവൽ, തബു, വാമിക ഗബ്ബി എന്നിവരാണ് ചിത്രത്തിൽ അഭിനയിക്കുന്നത്.