മോശം കാലാവസ്ഥ: രണ്ട് കൊളംബോ വിമാനം കൊച്ചിയിലിറക്കി

നെടുമ്പാശേരി: മോശം കാലാവസ്ഥയെ തുടർന്ന് ശ്രീലങ്കയിലെ കൊളംബോ വിമാനത്താവളത്തിലേക്കുപോയ രണ്ട് വിമാനങ്ങൾ കൊച്ചിയിലിറക്കി. എയർ ഇന്ത്യയുടെ ഡൽഹി - കൊളംബോ വിമാനവും ശ്രീലങ്കൻ എയർവേയ്സിന്റെ ദമ്മാം - കൊളംബോ വിമാനവുമാണ് അടിയന്തരമായി ഇന്നലെ ഉച്ചയോടെ കൊച്ചിയിലിറക്കിയത്. രാത്രിയോടെ രണ്ട് വിമാനങ്ങളും കൊളംബോയിലേക്ക് പോയി.