സാഗർ സൂര്യയുടെ സന്തോഷങ്ങൾ
ചുണ്ടിൽ ചെറുപുഞ്ചിരിയുമായി വന്ന 'പണി' യിലെ വെറുക്കപ്പെട്ട വില്ലനിൽ നിന്ന് ധീരതയോടെ സാഗർ സൂര്യ 'ധീരം" സിനിമയിൽ എത്തി. ഇന്ദ്രജിത്ത് നായകനായി ജിതിൻ സുരേഷ് ടി. സംവിധാനം ചെയ്യുന്ന ഇൻവെസ്റ്റിഗേറ്റീവ് ത്രില്ലർ ചിത്രം 'ധീരം" ഡിസംബർ 5ന് തിയേറ്ററിൽ എത്തുന്നതിന്റെ ആഹ്ളാദത്തിൽ ആണ് സാഗർ സൂര്യ. ഇതാദ്യമായി ഇന്ദ്രജിത്ത് മുഴുനീളെ പൊലീസ് വേഷം അവതരിപ്പിക്കുന്ന ധീരത്തിൽ സാഗർ സൂര്യയുടെ കഥാപാത്രം ആരെന്ന് തത്കാലം സസ് പെൻസ്. സാഗർ സൂര്യ സംസാരിക്കുന്നു. കാരണം ഇന്ദ്രജിത്ത്
ധീരത്തിൽ ജോർജ് എന്ന കഥാപാത്രം ആണ് അവതരിപ്പിക്കുന്നത്. 'പണി" കഴിഞ്ഞ് അഭിനയിക്കുന്ന സിനിമ. ഡോൺ സെബാസ്റ്റ്യനെ പോലെ അല്ല ധീരത്തിലെ ജോർജ്. ഇന്ദ്രജിത്ത് എന്ന വലിയ നടനൊപ്പം അഭിനയിക്കുക എന്ന ഏറ്രവും വലിയ ആഗ്രഹം തന്നെയാണ് ധീരത്തിലേക്ക് എന്നെ ആകർഷിച്ച ഘടകം. രാജു ചേട്ടനൊപ്പവും (പൃഥ്വിരാജ്) മല്ലിക ചേച്ചിയോടൊപ്പവും അഭിനയിച്ചതാണ്.ഇന്ദ്രട്ടേനാണ്നായകൻ എന്ന് പറഞ്ഞപ്പോൾ തന്നെ കോമ്പിനേഷൻ സീൻ വരുന്നുണ്ടോ എന്ന് ചോദിച്ചു. എനിക്ക് സന്തോഷം തന്ന മറുപടി ലഭിച്ചപ്പോൾ തന്നെ ഹുക്ക് ആയി. ഓരോ സിനിമ തിരഞ്ഞെടുക്കുന്നതിനും പ്രത്യേക കാരണം ഉണ്ട്. 'ധീരം "സസ്പെൻസ് ത്രില്ലർ ചിത്രം ആയതിനാൽ കഥാപാത്രത്തെപ്പറ്റി കൂടുതൽ പറയാൻ കഴിയില്ല. മാത്രമല്ല, സംവിധായകൻ കഥ പറഞ്ഞില്ല. സിനിമയിൽ അഭിനയിക്കണം എന്നായിരുന്നു ചെറുപ്പം മുതൽ ആഗ്രഹം. ആരാകാനാണ് ആഗ്രഹം എന്ന് സ്കൂളിൽ ചോദിച്ചപ്പോൾ നടൻ ആകണം എന്നായിരുന്നു എന്റെ മറുപടി. ജോലി തരപ്പെടുത്തി സാമ്പത്തികമായി മെച്ചപ്പെട്ടശേഷം സിനിമയിലേക്ക് വരാം എന്നാഗ്രഹിച്ചു. എന്നാൽ എം.ടെക് പഠിച്ചെങ്കിലും നല്ല ജോലി ലഭിച്ചില്ല. സിനിമയുടെ ഒാഡിഷനിൽ പങ്കെടുത്തു. ജൂനിയർ ആർട്ടിസ്റ്റായി സിനിമയിൽ അഭിനയിച്ചു. ഒാഡിഷൻ വഴി ' തട്ടീം മുട്ടീം" ടെലിവിഷൻ പരമ്പരയിൽ എത്തി. അവിടെ നിന്നാണ് കരിയർ തുടങ്ങുന്നത്. പത്തുവർഷത്തെ യാത്രയും പരിശ്രമവും തന്ന കുഞ്ഞു ലേബലുമായി ഇവിടെ എത്തി നിൽക്കുന്നു. പല തരം ജോണർ പ്രീ - പ്രൊഡക്ഷൻ മുതൽ രണ്ടുവർഷം' പണി'യുടെ ഭാഗമായിരുന്നു. എല്ലാ ദിവസവും ഒരു പഠനം ജോജു ചേട്ടന്റെ കൈയിൽനിന്ന് എനിക്കും ജുനൈസിനും ലഭിച്ചു. എന്നാൽ ധീരത്തിലേക്ക് വരുമ്പോൾ 'പണി" എന്ന സിനിമയുടെ പഠനം ഭയങ്കരമായി സഹായിക്കുന്നു. ഓരോ സിനിമയിൽ നിന്നും സംവിധായകരിൽനിന്നും സഹതാരങ്ങളിൽ നിന്നും ലഭിക്കുന്ന അറിവ് പ്രയോജനപ്പെടുന്നു. അഭിനയിക്കാൻ പോകുന്ന എല്ലാ സിനിമയേയും 'പണി"യിൽനിന്ന് ലഭിച്ച അറിവ് ഉറപ്പായും സഹായിക്കും. 'പണി"ക്ക് ശേഷം കൂടുതലും നായക സിനിമകൾ വരുന്നു. കുറെ കഥകൾ കേട്ടെങ്കിലും ചിലത് ചെയ്യാൻ തോന്നിയില്ല. പലതരം ജോണർ സിനിമ വരുന്നുണ്ട്. പെരുന്നാൾ, പ്രകമ്പനം, ഡർബി എന്നീ സിനിമകൾ റിലീസിനുണ്ട്. ഷൂട്ട് തുടങ്ങാൻ കുറച്ചു സിനിമകളുണ്ട്.