'ഓർമ്മിക്കാനൊരു ദിനം - മൈ ബഡ്ഡി'
Sunday 30 November 2025 12:40 AM IST
ആലുവ: ഭിന്നശേഷിക്കരായ കുട്ടികൾക്കായി സ്റ്റാലിയൻസ് ഇന്റർനാഷണലും അങ്കമാലി ഫിസാറ്റ് എൻജിനീയറിംഗ് കോളേജ് എൻ.എസ്.എസ് യൂണിറ്റും ചേർന്ന് സംഘടിപ്പിച്ച 'ഓർമ്മിക്കാനൊരു ദിനം - മൈ ബഡ്ഡി' അവിസ്മരണീയമായി. ഗാനങ്ങൾക്ക് ചടുലമായ നൃത്തച്ചുവടുകൾ വെച്ച് സ്വന്തം കുറവുകളെ വിസ്മരിച്ച് അവർ ആഘോഷിച്ചു. മുൻ വർഷങ്ങളിൽ പരിപാടിയിലെ മുഖ്യാതിഥിയായിരുന്ന കലാഭവൻ നവാസിനെ അനുസ്മരിച്ചു. നഗരസഭ ചെയർമാൻ എം.ഒ. ജോൺ മുഖ്യാതിഥിയായി. ഫിസാറ്റ് ചെയർമാൻ പി.ആർ. ഷിമിത്, ഫിസാറ്റ് കോ ഓർഡിനേറ്റേഴ്സ് നിസാമുദീൻ അക്ബർ, സാജൻ, സ്റ്റാലിയൻസ് ഇന്റർനാഷണൽ പ്രസിഡന്റ് സാം ഇമ്മാനുവൽ, സെക്രട്ടറി കെ.ജി.വി. പതി, കൺവീനർ ഇ.എ. അബൂബക്കർ എന്നിവർ സംസാരിച്ചു.