അദ്ധ്യാപകർ സമൂഹത്തിന്റെ ചാലകശക്തിയാകണം : വെള്ളാപ്പള്ളി
തൃപ്രയാർ : ആധുനിക ഡിജിറ്റൽ കാലഘട്ടത്തിൽ, വിദ്യാർത്ഥികളെ നന്മയുടെ വഴിയിലേക്ക് നയിക്കാൻ കഴിയുന്ന ചാലകശക്തിയായി അദ്ധ്യാപകർക്ക് മാറാൻ കഴിയണമെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ അഭിപ്രായപ്പെട്ടു. യോഗം / എസ്.എൻ ട്രസ്റ്റ് സ്‌കൂളുകളിലെ അദ്ധ്യാപകരുടെ റസിഡൻഷ്യൽ ശാക്തീകരണ ശില്പശാല ബി പോസിറ്റീവ് ഉദ്ഘാടനം ചെയ്യുകയായിരുന്നു അദ്ദേഹം.
എസ്.എൻ ട്രസ്റ്റ് തൃശൂർ ആർ.ഡി.സി കൺവീനർ പി.കെ.പ്രസന്നൻ അദ്ധ്യക്ഷത വഹിച്ചു. യോഗം വിദ്യാഭ്യാസ സെക്രട്ടറി ഇ.ജി.ബാബു പദ്ധതി വിശദീകരിച്ചു. യോഗം നാട്ടിക യൂണിയൻ പ്രസിഡന്റ് ഉണ്ണിക്കൃഷ്ണൻ തഷ്ണാത്ത് മുഖ്യാതിഥിയായി. എസ്.എൻ ട്രസ്റ്റ് ഷൊർണൂർ ആർ.ടി.സി ചെയർമാൻ വി.സുധീഷ് ചന്ദ്രൻ മുഖ്യപ്രഭാഷണം നടത്തി.
പ്രിൻസിപ്പൽമാരായ ഡോ.സി.ടി.അനിത, ജയാബിനി ജി.എസ്.ബി, എസ്.സുജാ കുമാരി, പ്രഥമാദ്ധ്യാപകരായ മിനിജ, വിജയൻ, ദിലീപ് കുമാർ, കെ.ജി.സബിത, സി.പി.ബിന്ദു, എൻ.രാജൻ, കോഓർഡിനേറ്റർമാരായ കെ.ആർ.രഘുരാമൻ, പി.ബി.ബൽറാം, ടി.പി.ജുകേഷ് എന്നിവർ പ്രസംഗിച്ചു. സൈക്കോളജിസ്റ്റ് ഡോ.എം.എം.മഹേഷ്, സാഹിത്യകാരൻ ഡോ.ആർ.സുരേഷ് എന്നിവർ ക്ലാസ് നയിച്ചു. എസ്.എൻ ട്രസ്റ്റ് സ്‌കൂൾ, നാട്ടിക എസ്.എൻ ട്രസ്റ്റ് സ്‌കൂൾ, ഷൊർണൂർ പെരുമ്പടപ്പ് ഈസ്റ്റ് യു.പി സ്‌കൂൾ, നോർത്ത് എൽ.പി സ്‌കൂൾ കഴിമ്പ്രം എന്നീ വിദ്യാലയങ്ങളിലെ 90ൽഅധികം അദ്ധ്യാപകരാണ് ക്യാമ്പിൽ പങ്കെടുക്കുന്നത്.