'കേരള പെഡിക്കോൺ 25' ഇന്ന് സമാപിക്കും

തിരുവനന്തപുരം: ശിശുരോഗ വിദഗ്ദ്ധരുടെ സംഘടനയായ ഇന്ത്യൻ അക്കാഡമി ഓഫ് പീഡിയാട്രിക്സ് (ഐ.എ.പി) 54-ാം സംസ്ഥാന സമ്മേളനം 'കേരള പെഡിക്കോൺ 25' ഇന്ന് സമിപ്പിക്കും. സമ്മേളനത്തിന്റെ ഉദ്ഘടാനം ഇന്നലെ രാവിലെ കാര്യവട്ടം ട്രാവൻകൂർ ഇന്റർനാഷനൽ കൺവൻഷൻ സെന്ററിൽ വച്ച് കേരള ആരോഗ്യ ശാസ്ത്ര സർവകലാശാല മുൻ വൈസ് ചാൻസലർ ഡോ.എം.കെ.സി നായർ നിർവഹിച്ചു. ഐ.എ.പി സംസ്ഥാന പ്രസിഡന്റ് ഡോ. റിയാസ് ഐ അദ്ധ്യക്ഷനായി. ഐ.എ.പി ദേശീയ സെക്രട്ടറി ജനറൽ ഡോ. യോഗേഷ് പരീഖ് മുഖ്യപ്രഭാഷണം നടത്തി. ഐ.എ.പി കേരള ചാപ്റ്ററിന്റെ പുതിയ ഭാരവാഹികളുടെ സ്ഥാനാരോഹണവും നടന്നു. സംസ്ഥാനത്തെ മുതിർന്ന ശിശുരോഗ വിദഗ്ദ്ധരെ ചടങ്ങിൽ ആദരിച്ചു.

ഐ.എ.പി നിയുക്ത സംസ്ഥാന പ്രസിഡന്റ് ഡോ.നന്ദകുമാർ എം.കെ,സംഘാടക സമിതി ചെയർപേഴ്സൺ ഡോ. ഗീത എസ്,ഐ.എ.പി സംസ്ഥാന സെക്രട്ടറി ഡോ. ഗോപിമോഹൻ ആർ,ഡോ. അതാനു ഭദ്ര,ഡോ.രമേഷ് കുമാർ ആർ,ഡോ. മനോജ് വി.സി,ഡോ. ജോസ്. ഒ,ഐ.എ.പി തിരുവനന്തപുരം പ്രസിഡന്റ് ഡോ. ഡി. കൽപന,സംഘാടക സമിതി സെക്രട്ടറിമാരായ ഡോ. പ്രവീൺ കെ.എസ്,ഡോ. ബെന്നോ ആൻഡ്രൂ എന്നിവർ പ്രസംഗിച്ചു.

സമാപന സമ്മേളനമായ ഇന്ന് ഉച്ചയ്ക്ക് 1ന് ഐ.എ.പി സംസ്ഥാന കൗൺസിൽ യോഗം നടക്കും. ഐ.എ.പി നിയുക്ത ദേശീയ പ്രസിഡന്റ് ഡോ. നീലം മോഹൻ,ഡോ. ഉപേന്ദ്ര കിൻജവഡേക്കർ,ഡോ. ശ്രീനിവാസ് ജി കാശി,ഡോ.രമേഷ് കുമാർ തുടങ്ങിയവർ ചർച്ചകൾ നയിക്കും. ഐ.എ.പി തിരുവനന്തപുരം ചാപ്റ്ററാണ് സമ്മേളനം സംഘടിപ്പിക്കുന്നത്.