SignIn
Kerala Kaumudi Online
Saturday, 20 July 2019 2.00 AM IST

സി.ഐയെ കാണാതായ സംഭവം,മേലുദ്യോഗസ്ഥനെതിരെ ഗുരുതര ആരോപണവുമായി സി.ഐയുടെ ഭാര്യ : മുഖ്യമന്ത്രിക്ക് പരാതി നൽകി

ci

കൊച്ചി: കാണാതായ എറണാകുളം സെൻട്രൽ സി.ഐ വി.എസ് നവാസിന്റെ ഭാര്യ മുഖ്യമന്ത്രി പിണറായി വിജയന് പരാതി നൽകി. ഭർത്താവ് നാടുവിടാൻ കാരണം മേലുദ്യോഗസ്ഥന്റെ പീഡനമാണെന്നും, മേലുദ്യോഗസ്ഥനെതിരെ അന്വേഷണം നടത്തി നടപടി സ്വീകരിക്കണമെന്നും പരാതിയിൽ പറയുന്നു.

വയർലെസ് സെറ്റിലൂടെ എസ്.പിയുമായി വാഗ്വാദം നടന്നിട്ടുണ്ടെന്നും ഇത് പരിശോധിക്കണമെന്നും യുവതി ആവശ്യപ്പെട്ടു. തന്റെ ഭർത്താവ് സത്യസന്ധനായ ഉദ്യോഗസ്ഥനാണെന്നും അദ്ദേഹത്തോട് കള്ളക്കേസുണ്ടാക്കാൻ മേലുദ്യോഗസ്ഥർ ആവശ്യപ്പെട്ടിട്ടുണ്ടെന്നും ഭാര്യ ആരോപിച്ചു. മേലുദ്യോഗസ്ഥൻ മാനസികമായി പീഡിപ്പിക്കുന്ന കാര്യം ഭർത്താവ് തന്നോട് പറഞ്ഞിട്ടുണ്ടെന്നും എന്നാൽ മേലുദ്യോഗസ്ഥന്റെ പേര് പറഞ്ഞിട്ടില്ലെന്നും ഭാര്യ പറഞ്ഞു.

അതേസമയം നവാസ് കേരളം വിട്ടിട്ടില്ലെന്നും എവിടെയുണ്ടെന്ന് സൂചന കിട്ടിയിട്ടുണ്ടെന്നും അന്വേഷണ ഉദ്യോഗസ്ഥർ വ്യക്തമാക്കി. തെക്കൻ ജില്ലകളിലെ ആരാധനാലയങ്ങളിൽ നവാസ് ഇടയ്ക്കിടെ പോകാറുണ്ട്. ഇവിടെ കേന്ദ്രീകരിച്ച് അന്വേഷണം പുരോഗമിക്കുകയാണ്.

തേവരയിലെ എ.ടി.എമ്മിൽ നിന്ന് പതിനായിരം രൂപ പിൻവലിച്ചിരുന്നു. കൂടാതെ പത്ത് ദിവസത്തിന് ശേഷം തിരിച്ച് വരുമെന്ന് ഒരു സുഹൃത്തിനോട് പറയുകയും ചെയ്തിട്ടുണ്ട്. ഇന്നലെയാണ് നവാസിനെ കാണാനില്ലെന്ന് കാട്ടി ഭാര്യ എറണാകുളം സൗത്ത് പൊലീസിൽ പരാതി നൽകിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CI NAVAS, NAVASS WIFE, PINARAYI VIJAYAN, POLICE, MISSING
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.