SignIn
Kerala Kaumudi Online
Friday, 18 October 2019 7.38 AM IST

നോക്കണ്ട, ഇത് ജാക്‌സണല്ല..!

michael-jackson

പോപ് രാജാവ് മൈക്കൽ ജാക്‌സണിന്റെ ഏതെങ്കിലും ഒരു ആരാധകന്റെ കരവിരുതാണ് ഈ അർദ്ധകായ പ്രതിമ എന്ന് തോന്നുന്നുണ്ടെങ്കിൽ തെറ്റി. 3000 വർഷം പഴക്കമുള്ള ഈജിപ്ഷ്യൻ ശില്‌പമാണിത്. ബി.സി 1550 നും ബി.സി 1050 നും ഇടയിൽ നിർമിക്കപ്പെട്ടതാണ് ഇതെന്ന് കരുതുന്നു. അതായത് പ്രസിദ്ധ ഈജിപ്ഷ്യൻ ഭരണാധികാരിയായിരുന്ന തുത്തൻഖാമെന്റെ കാലത്തായിരിക്കണം ഈ പ്രതിമ നിർമിക്കപ്പെട്ടത്. ചുണ്ണാമ്പ് കല്ലിൽ നിർമിക്കപ്പെട്ടിരിക്കുന്ന ഈ പ്രതിമയ്‌ക്ക് മൈക്കൽ ജാക്‌സണുമായി അസാമാന്യ സാമ്യമാണുള്ളത്. ഒട്ടിയ കവിളുകളും, വലിയ ചരിഞ്ഞ കണ്ണുകളും, തീരെ കനം കുറഞ്ഞതും അഗ്രമില്ലാത്തതുമായ മൂക്കും കാണുമ്പോൾ ആരോ അദ്ദേഹത്തെ നോക്കി നിർമിച്ച പോലെ തന്നെയാണ്.

2009ൽ മൈക്കൽ ജാക്‌സൺ അന്തരിച്ചതോടെയാണ് ഈ പ്രതിമ കൂടുതൽ പ്രസിദ്ധമാകുന്നത്. മൈക്കൽ ജാക്‌സണിന്റെ ആരാധകർ ഈ പ്രതിമയെ ലോകപ്രസിദ്ധമാക്കുന്നതിൽ വലിയ പങ്കാണ് വഹിച്ചത്. ഷിക്കോഗോയിലെ ഫീൽഡ് മ്യൂസിയം ഒഫ് നാച്ചുറൽ ഹിസ്റ്ററിയിലാണ് ഇപ്പോൾ ഈ പ്രതിമ സൂക്ഷിച്ചിരിക്കുന്നത്. ഗ്ലാസ് കൂടിനുള്ളിൽ ഇരിക്കുന്ന ഈ പ്രതിമയിൽ തൊടാൻ ആർക്കും അനുവാദമില്ല. ദിനംപ്രതി 4,500ലേറെ പേരാണ് ഈ പ്രതിമ കാണാൻ മ്യൂസിയത്തിൽ എത്തുന്നത്.

1993ൽ പുറത്തിറങ്ങിയ മൈക്കൽ ജാക്‌സണിന്റെ ഹിറ്റ് ഗാനം ' റിമെമ്പർ ദ ടൈം ' ഈജിപ്റ്റിലാണ് ചിത്രീകരിച്ചത്. വീഡിയോയിൽ ഈജിപ്ഷ്യൻ ലുക്കിൽ പ്രത്യക്ഷപ്പെടുന്ന ജാക്‌സണിന് ഈ പ്രതിമയുമായി അസാമാന്യ സാമ്യമാണുള്ളത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WORLD, MICHAEL JACKSON
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.