വടകര: മദ്യത്തിനും മയക്കുമരുന്നിനും അടിമകളായി മാറുന്ന യുവ തലമുറയെ നേർവഴിക്കു നയിക്കേണ്ടത് അവരുടെ രക്ഷിതാക്കൾ തന്നെയാണെന്നും ഈ വിപത്തിനെ ചെറുത്ത് തോൽപ്പിക്കാൻ സമൂഹം ഒറ്റക്കെട്ടായി നിൽക്കണമെന്നും സാഹിത്യ അക്കാദമി അവാർഡ് ജേതാവ് പ്രൊഫ: കടത്തനാട്ട് നാരായണൻ പറഞ്ഞു. ഹരിതാമൃതം സ്ഥാപക ചെയർമാൻ ഡോ.സി.പി.ശിവദാസിന്റെ സ്മരണയിൽ സംഘടിപ്പിച്ച സാംസ്കാരിക സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. പ്രൊഫ: കെ.കെ.മഹമൂദ് അദ്ധ്യക്ഷത വഹിച്ചു. സംസ്കാരികകേരളത്തിന്റെ ഭാവി എന്ന വിഷയം ടി.കെ.വിജയ രാഘവൻ അവതരിപ്പിച്ചു. ഡോ.ജയശ്രി , കെ.എ.മനാഫ് , തയ്യുള്ളതിൽ രാജൻ , അടിയേരി രവീന്ദ്രൻ എന്നിവർ പ്രസംഗിച്ചു. തുടർന്ന് നടന്ന ഓപ്പൺ ഫോറത്തിൽ യൂറിൻ തെറാപ്പിയുടെ ശാസ്ത്രീയത എന്ന വിഷയം അഡ്വ.ടി.നാരായണൻ വട്ടോളി അവതരിപ്പിച്ചു. കെ.എം. ബാലകൃഷ്ണൻ, കെ.ഗീത, സി.പി.ചന്ദ്രൻ എന്നിവർ പ്രസംഗിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |