കണ്ണൂർ: കലയെയും കലാകാരൻമാരെയും തമസ്‌കരിച്ച് കൊണ്ട് സംഘപരിവാറുകൾ അവരുടെ അജണ്ട നടപ്പാക്കുമ്പോൾ അതിനെതിരെ ശക്തമായി ഉണർന്ന് പ്രവത്തിക്കുവാൻ കലാകാരൻമാർക്ക് സാധിക്കണമെന്ന് ഇപ്റ്റ സംസ്ഥാന സെക്രട്ടറി ആർ.ജയകുമാർ പറഞ്ഞു. എൻ.ഇ .ബാലറാം സ്മാരകത്തിൽ ഇന്ത്യൻ പീപ്പിൾസ് തിയേ​റ്റർ അസോസിയേഷൻജില്ലാ കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.കലയിലൂടെ നല്ല മനുഷ്യനാക്കി നല്ല പൗരൻമാരാക്കി കുട്ടികളെ വളർത്തുകയും അതിനുള്ള വഴി ഒരുക്കുകയുമാണ് രാജ്യത്തെ ഏ​റ്റവും വലിയ സാംസ്‌കാരിക സംഘടനയായ ഇപ്റ്റ ചെയ്യേണ്ടതെന്ന് അദ്ദേഹം പറഞ്ഞു.ജില്ലാ പ്രസിഡന്റ് ഗണേഷ് വേലാണ്ടി അദ്ധ്യക്ഷത വഹിച്ചു. ദേശീയ കൗൺസിലംഗം സി. പി. മനേക്ഷാ, ജില്ലാ പഞ്ചായത്ത് ക്ഷേമകാര്യ സ്​റ്റാന്റിംഗ് കമ്മി​റ്റി ചെയർമാൻ വി .കെ .സുരേഷ് ബാബു, യുവകലാസാഹിതി ജില്ലാ സെക്രട്ടറി ഷിജിത്ത് വായന്നൂർ എന്നിവർ പ്രസംഗിച്ചു.