തൃശൂർ: 'പടവ് 2023' സംസ്ഥാന ക്ഷീരസംഗമത്തിന്റെ സമഗ്ര കവറേജിനുള്ള പുരസ്‌കാരം കേരളകൗമുദിക്ക് സമ്മാനിച്ചു. മണ്ണുത്തി വെറ്ററിനറി കോളേജിൽ നടന്ന സമാപന സമ്മേളനത്തിൽ മന്ത്രി ജെ.ചിഞ്ചുറാണി, ട്രോഫിയും പ്രശസ്തിപത്രവും പൊന്നാടയും അടങ്ങുന്ന ബഹുമതി നൽകി. കേരളകൗമുദി തൃശൂർ യൂണിറ്റ് ചീഫ് എൻ.എസ്.കിരൺ, ബ്യൂറോ ചീഫ് ഭാസി പാങ്ങിൽ, റിപ്പോർട്ടർ കൃഷ്ണകുമാർ ആമലത്ത് തുടങ്ങിയവർ ചേർന്ന് ഏറ്റുവാങ്ങി. സ്പീക്കർ എ.എൻ.ഷംസീർ സമ്മേളനം ഉദ്ഘാടനം ചെയ്തു. റവന്യൂമന്ത്രി കെ.രാജൻ അദ്ധ്യക്ഷനായി. മേയർ എം.കെ.വർഗീസ്, വെറ്ററിനറി യൂണിവേഴ്‌സിറ്റി വൈസ് ചാൻസലർ ഡോ.എം.ആർ.ശശീന്ദ്രനാഥ്, ഔഷധി ചെയർപേഴ്‌സൺ ശോഭനാജോർജ്, മൃഗസംരക്ഷണവകുപ്പ് ഡയറക്ടർ ഡോ.എ.കൗശിഗൻ, എറണാകുളം മേഖലാ ചെയർമാൻ എം.ടി.ജയൻ തുടങ്ങിയവർ പങ്കെടുത്തു.